کئی ستارے چمک رہے ہیں — میراجی
شاعر
کئی ستارے چمک رہے ہیں
لرز لرز کر دمک رہے ہیں
مگر جب آئے گا دن کا چیتا
اور ان ستاروں کا وقت بیتا
تو آسمان کے نکیلے جگنو
بنیں گے پل میں ڈھلکتے آنسو
سحر کے پردے میں جا چھپیں گے
میں اور تو آج ہیں اکٹھے
سنا رہی ہے تری جوانی
مجھے مرے عشق کی کہانی
مگر ہے اک خوف سا فضا میں
ہے ایک لرزش سی اس ہوا میں
ستارے اب ٹمٹما رہے ہیں
خزاں کے آثار چھا رہے ہیں
مجھے یہ محسوس ہو رہا ہے
کہ اب ستاروں کا وقت بیتا
بس اب تو آئے گا دن کا چیتا
اب آسمان کے نکیلے جگنو
یہ دست انجم کے پیارے آہو
سحر کے پردے میں جا چھپیں گے
Kayi Sitare Chamak Rahe Hain
Laraz laraz kar damak rahe hain
Magar jab aayega din ka cheeta
Aur in sitaron ka waqt beeta
To aasman ke nukeele jugnu
Banenge pal mein dhalkate aansu
Sehar ke parde mein ja chhupenge
Main aur tu aaj hain ekatthe
Suna rahi hai teri jawani
Mujhe mere ishq ki kahani
Magar hai ek khauf sa fiza mein
Hai ek larzish si is hawa mein
Sitare ab timtima rahe hain
Khizan ke aasar chha rahe hain
Mujhe ye mehsoos ho raha hai
Ke ab sitaron ka waqt beeta
Bas ab to aayega din ka cheeta
Ab aasman ke nukeele jugnu
Ye dast-e-anjum ke pyare aahu
Sehar ke parde mein ja chhupenge
شاعر کے بارے میں
میرا جی اردو ادب کے اُن چند منفرد اور اثر انگیز شعرا میں شمار ہوتے ہیں جنہوں نے بیسویں صدی میں اردو نظم کو ایک بالکل نیا شعور، نیا لہجہ اور نئی فکر...
مکمل تعارف پڑھیں