میں جنسی کھیل کو صرف اک تن آسانی سمجھتا ہوں — میراجی
شاعر
میں جنسی کھیل کو صرف اک تن آسانی سمجھتا ہوں
میں جنسی کھیل کو صرف اک تن آسانی سمجھتا ہوں
ذریعہ اور ہے معبود سے ملنے کا دنیا میں
تخیل کا بڑا ساگر تصور کے حسیں جھونکے
لیے آتے ہیں بارش میں تمنائیں عبادت کی
مگر پوری نہیں ہوتی تمنا دل کی چاہت کی
کسی عورت کا پیراہن کسی خلوت کی خوشبوئیں
کسی اک لفظ بے معنی کی میٹھی میٹھی سرگوشی
یہی چیزیں مرے غمگیں خیالوں پر ہمیشہ چھائی رہتی ہیں
عبادت کا طریقہ حرکتیں ہیں تشنہ و مبہم
کبھی روح صنم بیدار خواب مرگ مہمل سے
کسی اندر سبھا کی لاکھ پریاں آ کے بہلائیں
لبھاتے ناچ ناچیں اور رسیلے راگ بھی گائیں
مگر یہ مردہ دل عادی ہے بس غمگیں خیالوں کا
گھٹا آتی نہیں خوشیوں کی بارش لا نہیں سکتی
مری روح حزیں محکوم ہے اپنے تأثر کی
ذریعہ اور ہے معبود سے ملنے کا دنیا میں
میں جنسی کھیل کو کیوں اک تن آسانی سمجھتا ہوں
کبھی انساں کی عمر مختصر پر غور کرتا ہوں
کبھی فانی تمناؤں کی جھیلوں میں یوں ہی کھویا سا پھرتا ہوں
Main jinsī khel ko sirf ik tan-āsānī samajhtā hūn
Main jinsī khel ko sirf ik tan-āsānī samajhtā hūn
Zariya aur hai maʿbūd se milne kā duniyā mein
Takhayyul kā baṛā sāgar tasavvur ke hasīn jhonke
Liye āte hain bārish mein tamannāein ʿibādat kī
Magar pūrī nahīn hotī tamannā dil kī chāhat kī
Kisī aurat kā pairāhan kisī khalvat kī khushboein
Kisī ik lafz-e-be-maʿnī kī mīṭhī mīṭhī sargoshī
Yahī chīzein mere ghamgīn khayālon par hamesha chhāī rahtī hain
ʿIbādat kā tarīqa harkatein hain tishna-o-mubham
Kabhī rūh-e-sanam bedār khwāb-e-marg-e-muhmal se
Kisī andar sabhā kī lākh pariyān ā ke behlāein
Lubhāte nāch nāchein aur rasīle rāg bhī gāein
Magar ye murda dil ʿādī hai bas ghamgīn khayālon kā
Ghaṭā ātī nahīn khushiyon kī bārish lā nahīn saktī
Mirī rūh-e-hazīn mahkūm hai apne tāssur kī
Zariya aur hai maʿbūd se milne kā duniyā mein
Main jinsī khel ko kyūn ik tan-āsānī samajhtā hūn
Kabhī insān kī ʿumr-e-mukhtaṣar par ghaur kartā hūn
Kabhī fānī tamannāon kī jhīlon mein yūn hī khoyā sā phirtā hūn
شاعر کے بارے میں
میرا جی اردو ادب کے اُن چند منفرد اور اثر انگیز شعرا میں شمار ہوتے ہیں جنہوں نے بیسویں صدی میں اردو نظم کو ایک بالکل نیا شعور، نیا لہجہ اور نئی فکر...
مکمل تعارف پڑھیں