نارسائی — میراجی
شاعر
نارسائی
رات اندھیری بن ہے سونا کوئی نہیں ہے ساتھ
پون جھکولے پیڑ ہلائیں تھر تھر کانپیں پات
دل میں ڈر کا تیر چبھا ہے سینے پر ہے ہاتھ
رہ رہ کر سوچوں یوں کیسے پوری ہوگی رات
برکھا رت ہے اور جوانی لہروں کا طوفان
پیتم ہے نادان مرا دل رسموں سے انجان
کوئی نہیں جو بات سجھائے کیسے ہوں سامان
بھگون مجھ کو راہ دکھا دے مجھ کو دے دے گیان
چپو ٹوٹے ناؤ پرانی دور ہے کھیون ہار
بیری ہیں ندی کی موجیں اور پیتم اس پار
سن لے سن کے دکھ میں پکارے اک پریمی بچارا
کیسے جاؤں کیسے پہنچوں کیسے جتاؤں پیار
کیسے اپنے دل سے مٹاؤں برہ اگن کا روگ
کیسے سجھاؤں پریم پہیلی کیسے کروں سنجوگ
بات کی گھڑیاں بیت نہ جایں دور ہے اس کا دیس
دور دیس ہے پیتم کا اور میں بدلے ہوں بھیس
Nārāsāī
Rāt andherī ban hai sonā koī nahīn hai sāth
Paun jhakole peṛ hilāein thar thar kāñpein pāt
Dil mein ḍar kā tīr chubbhā hai sīne par hai hāth
Rah rah kar sochūn yūn kaise pūrī hogī rāt
Barkhā rut hai aur javānī lahron kā tūfān
Pītam hai nādān mirā dil rasmon se anjān
Koī nahīn jo bāt sujāye kaise hūn sāmān
Bhagvan mujh ko rāh dikhā de mujh ko de de gyān
Chappū ṭūṭe nāo purānī dūr hai khevan hār
Bairī hain nadī kī maujein aur pītam us pār
Sun le sun ke dukh mein pukāre ik premī bichārā
Kaise jāūn kaise pahuñchūn kaise jatāūn pyār
Kaise apne dil se miṭāūn birah agan kā rog
Kaise sujāūn prem paheli kaise karūn sanjog
Bāt kī ghaṛiyān bīt na jāein dūr hai us kā des
Dūr des hai pītam kā aur main badle hūn bhes
شاعر کے بارے میں
میرا جی اردو ادب کے اُن چند منفرد اور اثر انگیز شعرا میں شمار ہوتے ہیں جنہوں نے بیسویں صدی میں اردو نظم کو ایک بالکل نیا شعور، نیا لہجہ اور نئی فکر...
مکمل تعارف پڑھیں