آبرو کیا خاک اس گل کی کہ گلشن میں نہیں — مرزا غالب
شاعر
آبرو کیا خاک اس گل کی کہ گلشن میں نہیں
آبرو کیا خاک اس گل کی کہ گلشن میں نہیں
ہے گریباں ننگ پیراہن جو دامن میں نہیں
ضعف سے اے گریہ کچھ باقی مرے تن میں نہیں
رنگ ہو کر اڑ گیا جو خوں کہ دامن میں نہیں
ہو گئے ہیں جمع اجزائے نگاہ آفتاب
ذرے اس کے گھر کی دیواروں کے روزن میں نہیں
کیا کہوں تاریکی زندان غم اندھیر ہے
پنبہ نور صبح سے کم جس کے روزن میں نہیں
رونق ہستی ہے عشق خانہ ویراں ساز سے
انجمن بے شمع ہے گر برق خرمن میں نہیں
زخم سلوانے سے مجھ پر چارہ جوئی کا ہے طعن
غیر سمجھا ہے کہ لذت زخم سوزن میں نہیں
بسکہ ہیں ہم اک بہار ناز کے مارے ہوئے
جلوۂ گل کے سوا گرد اپنے مدفن میں نہیں
قطرہ قطرہ اک ہیولیٰ ہے نئے ناسور کا
خوں بھی ذوق درد سے فارغ مرے تن میں نہیں
لے گئی ساقی کی نخوت قلزم آشامی مری
موج مے کی آج رگ مینا کی گردن میں نہیں
ہو فشار ضعف میں کیا ناتوانی کی نمود
قد کے جھکنے کی بھی گنجائش مرے تن میں نہیں
تھی وطن میں شان کیا غالبؔ کہ ہو غربت میں قدر
بے تکلف ہوں وہ مشت خس کہ گلخن میں نہیں
Aabroo kya khaak us gul ki ke gulshan mein nahin
Aabroo kya khaak us gul ki ke gulshan mein nahin
Hai girebaan-e-nung-e-pairahan jo daaman mein nahin
Za'f se aye girya kuch baaqi mare tan mein nahin
Rang ho kar ud gaya jo khoon ke daaman mein nahin
Ho gaye hain jama ajza-e-nigah-e-aaftaab
Zarre us ke ghar ki deewaron ke rozen mein nahin
Kya kahoon tareeki-e-zindaan-e-gham andher hai
Panba-e-noor-e-subh se kam jis ke rozen mein nahin
Ronaq-e-hasti hai ishq-e-khana-veeraan-saaz se
Anjuman be sham'a hai gar barq kharman mein nahin
Zakhm silwane se mujh par charah-joi ka hai ta'an
Ghata samajha hai ke lazzat-e-zakhm-e-sozan mein nahin
Bas ke hain hum ek bahaar-e-naaz ke maare hue
Jalwa-e-gul ke siwa gard apne madfan mein nahin
Qatra qatra ek haiula hai naye naasoor ka
Khoon bhi zauq-e-dard se farigh mare tan mein nahin
Le gai saaqi ki nakhuat qulzam-aashami meri
Mauj-e-mai ki aaj rag-e-meena ki gardan mein nahin
Ho fashaar-e-za'f mein kya natavani ki namood
Qad ke jhukne ki bhi gunjaaish mare tan mein nahin
Thi watan mein shaan kya Ghalib ke ho ghurbat mein qadr
Be-takalluf hoon woh musht-e-khas ke gulkhun mein nahin
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں