آئینہ کیوں نہ دوں کہ تماشا کہیں جسے — مرزا غالب
شاعر
آئینہ کیوں نہ دوں کہ تماشا کہیں جسے
آئینہ کیوں نہ دوں کہ تماشا کہیں جسے
ایسا کہاں سے لاؤں کہ تجھ سا کہیں جسے
حسرت نے لا رکھا تری بزم خیال میں
گلدستۂ نگاہ سویدا کہیں جسے
پھونکا ہے کس نے گوش محبت میں اے خدا
افسون انتظار تمنا کہیں جسے
سر پر ہجوم درد غریبی سے ڈالیے
وہ ایک مشت خاک کہ صحرا کہیں جسے
ہے چشم تر میں حسرت دیدار سے نہاں
شوق عناں گسیختہ دریا کہیں جسے
درکار ہے شگفتن گل ہائے عیش کو
صبح بہار پنبۂ مینا کہیں جسے
غالبؔ برا نہ مان جو واعظ برا کہے
ایسا بھی کوئی ہے کہ سب اچھا کہیں جسے
یا رب ہمیں تو خواب میں بھی مت دکھائیو
یہ محشر خیال کہ دنیا کہیں جسے
ہے انتظار سے شرر آباد رستخیز
مژگان کوہکن رگ خارا کہیں جسے
کس فرصت وصال پہ ہے گل کو عندلیب
زخم فراق خندۂ بیجا کہیں جسے
Aaina kyon na doon ke tamasha kahin jise
Aaina kyon na doon ke tamasha kahin jise
Aisa kahaan se laaun ke tujh sa kahin jise
Hasrat ne laa rakha teri bazm-e-khayal mein
Guldasta-e-nigah-e-sawaida kahin jise
Phoonka hai kis ne gosh-e-mohabbat mein aye Khuda
Afsoon-e-intezar-e-tamanna kahin jise
Sar par hujoom-e-dard-e-gharibi se daaliye
Woh ek musht-e-khak ke sahra kahin jise
Hai chashm-e-tar mein hasrat-e-deedar se nihaan
Shauq-e-inaan-gusekhta darya kahin jise
Darkaar hai shaguftan-e-gul-ha-e-aish ko
Subh-e-bahaar panba-e-meena kahin jise
Ghalib bura na maan jo wa'iz bura kahe
Aisa bhi koi hai ke sab acha kahin jise
Ya Rab humein to khwab mein bhi mat dikhaio
Yeh mahshar-e-khayal ke duniya kahin jise
Hai intezar se sharar-aabaad rastkhez
Mizhgan-e-kohkan rag-e-khara kahin jise
Kis fursat-e-visal pe hai gul ko andaleeb
Zakhm-e-firaaq-e-khanda-e-beja kahin jise
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں