عجب نشاط سے جلاد کے چلے ہیں ہم آگے — مرزا غالب
شاعر
عجب نشاط سے جلاد کے چلے ہیں ہم آگے
عجب نشاط سے جلاد کے چلے ہیں ہم آگے
کہ اپنے سائے سے سر پانو سے ہے دو قدم آگے
قضا نے تھا مجھے چاہا خراب بادۂ الفت
فقط خراب لکھا بس نہ چل سکا قلم آگے
غم زمانہ نے جھاڑی نشاط عشق کی مستی
وگرنہ ہم بھی اٹھاتے تھے لذت الم آگے
خدا کے واسطے داد اس جنون شوق کی دینا
کہ اس کے در پہ پہنچتے ہیں نامہ بر سے ہم آگے
یہ عمر بھر جو پریشانیاں اٹھائی ہیں ہم نے
تمہارے آئیو اے طرہ ہاۓ خم بہ خم آگے
دل و جگر میں پرافشاں جو ایک موجۂ خوں ہے
ہم اپنے زعم میں سمجھے ہوئے تھے اس کو دم آگے
قسم جنازے پہ آنے کی میرے کھاتے ہیں غالبؔ
ہمیشہ کھاتے تھے جو میری جان کی قسم آگے
Ajab nishaat se jallad ke chale hain hum aage
Ajab nishaat se jallad ke chale hain hum aage
Ke apne saaye se sar paanv se hai do qadam aage
Qaza ne tha mujhe chaha kharab-e-bada-e-ulfat
Faqat kharab likha bas na chal saka qalam aage
Gham-e-zamana ne jhaadi nishaat-e-ishq ki masti
Wagarna hum bhi uthate the lazzat-e-alam aage
Khuda ke vaste daad us junoon-e-shauq ki dena
Ke us ke dar pe pahunchte hain nama-bar se hum aage
Yeh umr bhar jo pareshaaniyan uthai hain hum ne
Tumhare aaio aye turra-ha-e-kham ba kham aage
Dil o jigar mein pur-afshaan jo ek mauja-e-khoon hai
Hum apne za'm mein samjhe hue the is ko dam aage
Qasam janaze pe aane ki mere khate hain Ghalib
Hamesha khate the jo meri jaan ki qasam aage
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں