از مہر تا بہ ذرہ دل و دل ہے آئنہ — مرزا غالب
شاعر
از مہر تا بہ ذرہ دل و دل ہے آئنہ
از مہر تا بہ ذرہ دل و دل ہے آئنہ
طوطی کو شش جہت سے مقابل ہے آئنہ
حیرت ہجوم لذت غلطانیٔ تپش
سیماب بالش و کمر دل ہے آئنہ
غفلت بہ بال جوہر شمشیر پرفشاں
یاں پشت چشم شوخیٔ قاتل ہے آئنہ
حیرت نگاہ برق تماشا بہار شوخ
در پردۂ ہوا پر بسمل ہے آئنہ
یاں رہ گئے ہیں ناخن تدبیر ٹوٹ کر
جوہر طلسم عقدۂ مشکل ہے آئنہ
ہم زانوئے تأمل و ہم جلوہ گاہ گل
آئینہ بند خلوت و محفل ہے آئنہ
دل کار گاہ فکر و اسدؔ بے نوائے دل
یاں سنگ آستانۂ بیدلؔ ہے آئنہ
Az mehr ta ba zarra dil o dil hai aaina
Az mehr ta ba zarra dil o dil hai aaina
Tooti ko shash jihat se muqabil hai aaina
Hairat-e-hujoom-e-lazzat-e-ghalzaani-e-tapish
Seemab baalish o kamar-e-dil hai aaina
Ghaflat ba baal-e-jauhar-e-shamshir pur-afshaan
Yaan pusht-e-chashm-e-shokhi-e-qaatil hai aaina
Hairat-e-nigah-e-barq-e-tamasha bahaar-e-shokh
Dar parda-e-hawa par bismil hai aaina
Yaan reh gaye hain naakhun-e-tadbeer toot kar
Jauhar-e-tilism-e-uqda-e-mushkil hai aaina
Hum zaanu-e-ta'ammul o hum jalwa-gah-e-gul
Aaina band-e-khalvat o mahfil hai aaina
Dil kaar-gah-e-fikr o Asad be nawa-e-dil
Yaan sang-e-aastana-e-Bedil hai aaina
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں