بہت سہی غم گیتی شراب کم کیا ہے — مرزا غالب
شاعر
بہت سہی غم گیتی شراب کم کیا ہے
بہت سہی غم گیتی شراب کم کیا ہے
غلام ساقیٔ کوثر ہوں مجھ کو غم کیا ہے
تمہاری طرز و روش جانتے ہیں ہم کیا ہے
رقیب پر ہے اگر لطف تو ستم کیا ہے
سخن میں خامۂ غالبؔ کی آتش افشانی
یقیں ہے ہم کو بھی لیکن اب اس میں دم کیا ہے
کٹے تو شب کہیں کاٹے تو سانپ کہلاوے
کوئی بتاؤ کہ وہ زلف خم بہ خم کیا ہے
لکھا کرے کوئی احکام طالع مولود
کسے خبر ہے کہ واں جنبش قلم کیا ہے
نہ حشر و نشر کا قائل نہ کیش و ملت کا
خدا کے واسطے ایسے کی پھر قسم کیا ہے
وہ داد و دید گراں مایہ شرط ہے ہم دم
وگرنہ مہر سلیمان و جام جم کیا ہے
Bahut sahi gham-e-geeti sharaab kam kya hai
Bahut sahi gham-e-geeti sharaab kam kya hai
Ghulam-e-saaqi-e-kausar hoon mujh ko gham kya hai
Tumhari tarz o ravish jaante hain hum kya hai
Rahib par hai agar lutf to sitam kya hai
Sukhan mein khama-e-Ghalib ki aatish-afshaani
Yaqeen hai hum ko bhi lekin ab is mein dam kya hai
Kate to shab kahin kaate to saanp kehlawe
Koi batao ke woh zulf-e-kham ba kham kya hai
Likha kare koi ahkam-e-tali-e-mauleed
Kise khabar hai ke vaan jumbish-e-qalam kya hai
Na hashr o nashr ka qaail na kesh o millat ka
Khuda ke vaste aise ki phir qasam kya hai
Woh daad-o-deed-e-giraan-maya shart hai humdam
Wagarna mehr-e-Sulaiman o jaam-e-Jam kya hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں