برشکال گریۂ عاشق ہے دیکھا چاہیے — مرزا غالب
شاعر
برشکال گریۂ عاشق ہے دیکھا چاہیے
برشکال گریۂ عاشق ہے دیکھا چاہیے
کھل گئی مانند گل سو جا سے دیوار چمن
الفت گل سے غلط ہے دعوی وارستگی
سرو ہے با وصف آزادی گرفتار چمن
صاف ہے از بسکہ عکس گل سے گلزار چمن
جانشین جوہر آئینہ ہے خار چمن
ہے نزاکت بس کہ فصل گل میں معمار چمن
قالب گل میں ڈھلی ہے خشت دیوار چمن
تیری آرائش کا استقبال کرتی ہے بہار
جوہر آئینہ ہے یاں نقش احضار چمن
بس کہ پائی یار کی رنگیں ادائی سے شکست
ہے کلاہ ناز گل بر طاق دیوار چمن
وقت ہے گر بلبل مسکیں زلیخائی کرے
یوسف گل جلوہ فرما ہے بہ بازار چمن
وحشت افزا گریہ ہا موقوف فصل گل اسدؔ
چشم دریا ریز ہے میزاب سرکار چمن
Barish-e-girya-e-aashiq hai dekha chahiye
Barish-e-girya-e-aashiq hai dekha chahiye
Khul gayi manind-e-gul sau jaa se deewar-e-chaman
Ulfat-e-gul se ghalat hai da'wa-e-vaarastagi
Sarv hai ba wasf-e-azadi giraftaar-e-chaman
Saaf hai az bas-ke aks-e-gul se gulzar-e-chaman
Janasheen-e-jauhar-e-aaina hai khaar-e-chaman
Hai nazakat bas ke fasl-e-gul mein me'maar-e-chaman
Qaalib-e-gul mein dhali hai khisht-e-deewar-e-chaman
Teri aaraish ka istiqbal karti hai bahaar
Jauhar-e-aaina hai yaan naqsh-e-ahzaar-e-chaman
Bas ke paayi yaar ki rangeen-adaai se shikast
Hai kulah-e-naaz-e-gul bar taaq-e-deewar-e-chaman
Waqt hai gar bulbul-e-miskeen zulekhai kare
Yusuf-e-gul jalwa-farma hai ba bazaar-e-chaman
Wahshat-afza girya-ha mauqoof-e-fasl-e-gul Asad
Chashm-e-darya-rez hai meezaab-e-sarkar-e-chaman
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں