بسکہ دشوار ہے ہر کام کا آساں ہونا — مرزا غالب
شاعر
بسکہ دشوار ہے ہر کام کا آساں ہونا
بسکہ دشوار ہے ہر کام کا آساں ہونا
آدمی کو بھی میسر نہیں انساں ہونا
گریہ چاہے ہے خرابی مرے کاشانے کی
در و دیوار سے ٹپکے ہے بیاباں ہونا
وائے دیوانگی شوق کہ ہر دم مجھ کو
آپ جانا ادھر اور آپ ہی حیراں ہونا
جلوہ از بس کہ تقاضائے نگہ کرتا ہے
جوہر آئنہ بھی چاہے ہے مژگاں ہونا
عشرت قتل گہہ اہل تمنا مت پوچھ
عید نظارہ ہے شمشیر کا عریاں ہونا
لے گئے خاک میں ہم داغ تمنائے نشاط
تو ہو اور آپ بہ صد رنگ گلستاں ہونا
عشرت پارۂ دل زخم تمنا کھانا
لذت ریش جگر غرق نمکداں ہونا
کی مرے قتل کے بعد اس نے جفا سے توبہ
ہائے اس زود پشیماں کا پشیماں ہونا
حیف اس چار گرہ کپڑے کی قسمت غالبؔ
جس کی قسمت میں ہو عاشق کا گریباں ہونا
Bas ke dushwaar hai har kaam ka aasaan hona
Bas ke dushwaar hai har kaam ka aasaan hona
Aadmi ko bhi muyassar nahin insaan hona
Girya chaahe hai kharabi mere kashaane ki
Dar o deewar se tapke hai biyaban hona
Wae deewangi-e-shauq ke har dam mujh ko
Aap jaana udhar aur aap hi hairan hona
Jalwa az bas ke taqaza-e-nigah karta hai
Jauhar-e-aaina bhi chaahe hai mizhgan hona
Ishrat-e-qatlgah-e-ahl-e-tamanna mat pooch
Eid-e-nazzara hai shamshir ka uriyaan hona
Le gaye khaak mein hum daagh-e-tamanna-e-nishaat
Tu ho aur aap ba sad rang gulistan hona
Ishrat-e-para-e-dil zakhm-e-tamanna khana
Lazzat-e-resh-e-jigar gharq-e-namakdaan hona
Ki mere qatl ke baad us ne jafa se tauba
Haye us zood-e-pashemaan ka pashemaan hona
Haif us char girah kapde ki qismat Ghalib
Jis ki qismat mein ho aashiq ka girebaan hona
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں