بساط عجز میں تھا ایک دل یک قطرہ خوں وہ بھی — مرزا غالب
شاعر
بساط عجز میں تھا ایک دل یک قطرہ خوں وہ بھی
بساط عجز میں تھا ایک دل یک قطرہ خوں وہ بھی
سو رہتا ہے بہ انداز چکیدن سرنگوں وہ بھی
رہے اس شوخ سے آزردہ ہم چندے تکلف سے
تکلف بر طرف تھا ایک انداز جنوں وہ بھی
خیال مرگ کب تسکیں دل آزردہ کو بخشے
مرے دام تمنا میں ہے اک صید زبوں وہ بھی
نہ کرتا کاش نالہ مجھ کو کیا معلوم تھا ہمدم
کہ ہوگا باعث افزائش درد دروں وہ بھی
نہ اتنا برش تیغ جفا پر ناز فرماؤ
مرے دریائے بے تابی میں ہے اک موج خوں وہ بھی
مئے عشرت کی خواہش ساقی گردوں سے کیا کیجے
لیے بیٹھا ہے اک دو چار جام واژ گوں وہ بھی
مرے دل میں ہے غالبؔ شوق وصل و شکوۂ ہجراں
خدا وہ دن کرے جو اس سے میں یہ بھی کہوں وہ بھی
مجھے معلوم ہے جو تو نے میرے حق میں سوچا ہے
کہیں ہو جائے جلد اے گردش گردون دوں وہ بھی
نظر راحت پہ میری کر نہ وعدہ شب کے آنے کا
کہ میری خواب بندی کے لیے ہوگا فسوں وہ بھی
Basaat-e-ajz mein tha ek dil yak qatra-e-khoon woh bhi
Basaat-e-ajz mein tha ek dil yak qatra-e-khoon woh bhi
So rehta hai ba andaaz-e-chakidan sarnigoon woh bhi
Rahe us shokh se aazurda hum chande takalluf se
Taakkalluf bar taraf tha ek andaaz-e-junoon woh bhi
Khayal-e-marg kab taskeen-e-dil-e-aazurda ko bakhshe
Mere daam-e-tamanna mein hai ik said-e-zaboon woh bhi
Na karta kaash nala mujh ko kya ma'loom tha humdam
Ke hoga ba'is-e-afzaish-e-dard-e-daroon woh bhi
Na itna barsh-e-tegh-e-jafa par naaz farmao
Mere darya-e-betaabi mein hai ek mauj-e-khoon woh bhi
Mai-e-ishrat ki khwahish saaqi-e-girdoon se kya kijiye
Liye baitha hai ik do chaar jaam o waazhgoon woh bhi
Mere dil mein hai Ghalib shauq-e-vasl o shikwa-e-hijran
Khuda woh din kare jo us se main yeh bhi kahoon woh bhi
Mujhe ma'loom hai jo tu ne mere haq mein socha hai
Kahin ho jaaye jald aye gardish-e-gardoon doon woh bhi
Nazar raahat pe meri kar na wa'da shab ke aane ka
Ke meri khwab-bandi ke liye hoga fasoon woh bhi
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں