بے اعتدالیوں سے سبک سب میں ہم ہوئے — مرزا غالب
شاعر
بے اعتدالیوں سے سبک سب میں ہم ہوئے
بے اعتدالیوں سے سبک سب میں ہم ہوئے
جتنے زیادہ ہو گئے اتنے ہی کم ہوئے
پنہاں تھا دام سخت قریب آشیان کے
اڑنے نہ پائے تھے کہ گرفتار ہم ہوئے
ہستی ہماری اپنی فنا پر دلیل ہے
یاں تک مٹے کہ آپ ہم اپنی قسم ہوئے
سختی کشان عشق کی پوچھے ہے کیا خبر
وہ لوگ رفتہ رفتہ سراپا الم ہوئے
تیری وفا سے کیا ہو تلافی کہ دہر میں
تیرے سوا بھی ہم پہ بہت سے ستم ہوئے
لکھتے رہے جنوں کی حکایات خوں چکاں
ہر چند اس میں ہاتھ ہمارے قلم ہوئے
اللہ رے تیری تندی خو جس کے بیم سے
اجزائے نالہ دل میں مرے رزق ہم ہوئے
اہل ہوس کی فتح ہے ترک نبرد عشق
جو پانو اٹھ گئے وہی ان کے علم ہوئے
نالے عدم میں چند ہمارے سپرد تھے
جو واں نہ کھنچ سکے سو وہ یاں آ کے دم ہوئے
چھوڑی اسدؔ نہ ہم نے گدائی میں دل لگی
سائل ہوئے تو عاشق اہل کرم ہوئے
Be-e'tidaliyon se sabak sab mein hum hue
Be-e'tidaliyon se sabak sab mein hum hue
Jitne ziyada ho gaye utne hi kam hue
Pinhan tha daam sakht qareeb aashiyan ke
Udne na paye the ke giraftaar hum hue
Hasti hamari apni fana par daleel hai
Yaan tak mite ke aap hum apni qasam hue
Sakhti-kashan-e-ishq ki pooche hai kya khabar
Woh log rafta rafta sarapa alam hue
Teri wafa se kya ho talafi ke dehr mein
Tere siwa bhi hum pe bahut se sitam hue
Likhte rahe junoon ki hikayat-e-khoon chakaan
Har chand is mein haath hamare qalam hue
Allah re teri tundi-e-kho jis ke beem se
Ajza-e-nala dil mein mare rizq-e-gham hue
Ahl-e-havas ki fateh hai tark-e-nabard-e-ishq
Jo paaon uth gaye wohi un ke alam hue
Nale adam mein chand hamare sipurd the
Jo vaan na khinch sake so woh yaan aa ke dam hue
Chhodi Asad na hum ne gadai mein dil lagi
Saail hue to aashiq-e-ahl-e-karam hue
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں