چاہیے اچھوں کو جتنا چاہیے — مرزا غالب
شاعر
چاہیے اچھوں کو جتنا چاہیے
چاہیے اچھوں کو جتنا چاہیے
یہ اگر چاہیں تو پھر کیا چاہیے
صحبت رنداں سے واجب ہے حذر
جائے مے اپنے کو کھینچا چاہیے
چاہنے کو تیرے کیا سمجھا تھا دل
بارے اب اس سے بھی سمجھا چاہیے
چاک مت کر جیب بے ایام گل
کچھ ادھر کا بھی اشارا چاہیے
دوستی کا پردہ ہے بیگانگی
منہ چھپانا ہم سے چھوڑا چاہیے
دشمنی نے میری کھویا غیر کو
کس قدر دشمن ہے دیکھا چاہیے
اپنی رسوائی میں کیا چلتی ہے سعی
یار ہی ہنگامہ آرا چاہیے
منحصر مرنے پہ ہو جس کی امید
ناامیدی اس کی دیکھا چاہیے
غافل ان مہ طلعتوں کے واسطے
چاہنے والا بھی اچھا چاہیے
چاہتے ہیں خوب رویوں کو اسدؔ
آپ کی صورت تو دیکھا چاہیے
Chahiye achchhon ko jitna chahiye
Chahiye achchhon ko jitna chahiye
Yeh agar chaahein to phir kya chahiye
Sohbat-e-rindaana se wajib hai hazar
Ja-e-mai apne ko kheenchha chahiye
Chahne ko tere kya samjha tha dil
Baare ab is se bhi samjha chahiye
Chak mat kar jeb be-ayyam-e-gul
Kuch udhar ka bhi ishaara chahiye
Dosti ka parda hai begaanagi
Munh chhupana hum se chhora chahiye
Dushmani ne meri khoya ghair ko
Kis qadar dushman hai dekha chahiye
Apni ruswai mein kya chalti hai sa'i
Yaar hi hangama-aara chahiye
Munhasir marne pe ho jis ki ummeed
Na-ummeedi us ki dekha chahiye
Ghafil in mah-tal'aton ke vaste
Chahne wala bhi acha chahiye
Chahhte hain khoob-rooiyon ko Asad
Aap ki surat to dekha chahiye
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں