در خور قہر و غضب جب کوئی ہم سا نہ ہوا — مرزا غالب
شاعر
در خور قہر و غضب جب کوئی ہم سا نہ ہوا
در خور قہر و غضب جب کوئی ہم سا نہ ہوا
پھر غلط کیا ہے کہ ہم سا کوئی پیدا نہ ہوا
بندگی میں بھی وہ آزادہ و خودبیں ہیں کہ ہم
الٹے پھر آئے در کعبہ اگر وا نہ ہوا
سب کو مقبول ہے دعویٰ تری یکتائی کا
روبرو کوئی بت آئنہ سیما نہ ہوا
کم نہیں نازش ہم نامی چشم خوباں
تیرا بیمار برا کیا ہے گر اچھا نہ ہوا
سینہ کا داغ ہے وہ نالہ کہ لب تک نہ گیا
خاک کا رزق ہے وہ قطرہ کہ دریا نہ ہوا
نام کا میرے ہے جو دکھ کہ کسی کو نہ ملا
کام میں میرے ہے جو فتنہ کہ برپا نہ ہوا
ہر بن مو سے دم ذکر نہ ٹپکے خوں ناب
حمزہ کا قصہ ہوا عشق کا چرچا نہ ہوا
قطرہ میں دجلہ دکھائی نہ دے اور جزو میں کل
کھیل لڑکوں کا ہوا دیدۂ بینا نہ ہوا
تھی خبر گرم کہ غالبؔ کے اڑیں گے پرزے
دیکھنے ہم بھی گئے تھے پہ تماشا نہ ہوا
Dar-khor-e-qahr-o-ghazab jab koi hum sa na hua
Dar-khor-e-qahr-o-ghazab jab koi hum sa na hua
Phir ghalat kya hai ke hum sa koi paida na hua
Bandagi mein bhi woh aazad o khud-been hain ke hum
Ulte phir aaye dar-e-Kaaba agar wa na hua
Sab ko maqbool hai da'wa teri yaktayi ka
Rubaroo koi but-e-aaina-seema na hua
Kam nahin nazish-e-hum-naami-e-chashm-e-khooban
Tera beemar bura kya hai gar acha na hua
Seena ka daagh hai woh nala ke lab tak na gaya
Khak ka rizq hai woh qatra ke darya na hua
Naam ka mere hai jo dukh ke kisi ko na mila
Kaam mein mere hai jo fitna ke barpa na hua
Har ban-e-moo se dam-e-zikr na tapke khoon-e-naab
Hamza ka qissa hua ishq ka charcha na hua
Qatra mein dajla dikhai na de aur juzv mein kul
Khel ladkon ka hua deeda-e-beena na hua
Thi khabar garm ke Ghalib ke udenge purze
Dekhne hum bhi gaye the pe tamasha na hua
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں