دیوانگی سے دوش پہ زنار بھی نہیں — مرزا غالب
شاعر
دیوانگی سے دوش پہ زنار بھی نہیں
دیوانگی سے دوش پہ زنار بھی نہیں
یعنی ہمارے جیب میں اک تار بھی نہیں
دل کو نیاز حسرت دیدار کر چکے
دیکھا تو ہم میں طاقت دیدار بھی نہیں
ملنا ترا اگر نہیں آساں تو سہل ہے
دشوار تو یہی ہے کہ دشوار بھی نہیں
بے عشق عمر کٹ نہیں سکتی ہے اور یاں
طاقت بقدر لذت آزار بھی نہیں
شوریدگی کے ہاتھ سے ہے سر وبال دوش
صحرا میں اے خدا کوئی دیوار بھی نہیں
گنجایش عداوت اغیار یک طرف
یاں دل میں ضعف سے ہوس یار بھی نہیں
ڈر نالہ ہائے زار سے میرے خدا کو مان
آخر نوائے مرغ گرفتار بھی نہیں
دل میں ہے یار کی صف مژگاں سے روکشی
حالانکہ طاقت خلش خار بھی نہیں
اس سادگی پہ کون نہ مر جائے اے خدا
لڑتے ہیں اور ہاتھ میں تلوار بھی نہیں
دیکھا اسدؔ کو خلوت و جلوت میں بارہا
دیوانہ گر نہیں ہے تو ہشیار بھی نہیں
Deewangi se dosh pe zunnar bhi nahin
Deewangi se dosh pe zunnar bhi nahin
Ya'ni hamare jaib mein ek taar bhi nahin
Dil ko niyaz-e-hasrat-e-deedar kar chuke
Dekha to hum mein taqat-e-deedar bhi nahin
Milna tera agar nahin aasan to sahal hai
Dushwar to yehi hai ke dushwar bhi nahin
Be-ishq umar kat nahin sakti hai aur yan
Taaqat ba-qadr-e-lazzat-e-aazar bhi nahin
Shuridegi ke haath se hai sar-o-baal-e-dosh
Sahra mein ae Khuda koi deewar bhi nahin
Gunjayish-e-adawat-e-aghyar yak taraf
Yan dil mein za'af se hawas-e-yaar bhi nahin
Dar naala-ha-e-zaar se mere Khuda ko maan
Aakhir nawa-e-murgh-e-giriftar bhi nahin
Dil mein hai yaar ki saf-e-mizhgan se ro-kashi
Halanke taqat-e-khalish-e-khar bhi nahin
Is saadgi pe kaun na mar ja'e ae Khuda
Ladte hain aur haath mein talwar bhi nahin
Dekha Asad ko khalwat-o-jalwat mein barha
Deewana gar nahin hai to hoshiyar bhi nahin
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں