دہر میں نقش وفا وجہ تسلی نہ ہوا — مرزا غالب
شاعر
دہر میں نقش وفا وجہ تسلی نہ ہوا
دہر میں نقش وفا وجہ تسلی نہ ہوا
ہے یہ وہ لفظ کہ شرمندۂ معنی نہ ہوا
سبزۂ خط سے ترا کاکل سرکش نہ دبا
یہ زمرد بھی حریف دم افعی نہ ہوا
میں نے چاہا تھا کہ اندوہ وفا سے چھوٹوں
وہ ستم گر مرے مرنے پہ بھی راضی نہ ہوا
دل گزر گاہ خیال مے و ساغر ہی سہی
گر نفس جادۂ سر منزل تقوی نہ ہوا
ہوں ترے وعدہ نہ کرنے میں بھی راضی کہ کبھی
گوش منت کش گلبانگ تسلی نہ ہوا
کس سے محرومیٔ قسمت کی شکایت کیجے
ہم نے چاہا تھا کہ مر جائیں سو وہ بھی نہ ہوا
مر گیا صدمۂ یک جنبش لب سے غالبؔ
ناتوانی سے حریف دم عیسی نہ ہوا
نہ ہوئی ہم سے رقم حیرت خط رخ یار
صفحۂ آئنہ جولاں گہ طوطی نہ ہوا
وسعت رحمت حق دیکھ کہ بخشا جاوے
مجھ سا کافر کہ جو ممنون معاصی نہ ہوا
Dehr mein naqsh-e-wafa vajh-e-tasalli na hua
Dehr mein naqsh-e-wafa vajh-e-tasalli na hua
Hai yeh woh lafz ke sharminda-e-ma'ani na hua
Sabza-e-khat se tera kaakul-e-sarkash na daba
Yeh zumurrad bhi hareef-e-dam-e-af'i na hua
Main ne chaha tha ke andooh-e-wafa se chhootun
Woh sitamgar mere marne pe bhi raazi na hua
Dil guzar-gah-e-khayal-e-mai-o-saghar hi sahi
Gar nafas jaada-e-sar-e-manzil-e-taqwa na hua
Hoon tere wa'da na karne mein bhi raazi ke kabhi
Gosh-e-minnat-kash-e-gulbaang-e-tasalli na hua
Kis se mehroomi-e-qismat ki shikayat kijiye
Hum ne chaha tha ke mar jayen so woh bhi na hua
Mar gaya sadma-e-yak jumbish-e-lab se Ghalib
Natawani se hareef-e-dam-e-Eesa na hua
Na hui hum se raqam hairat-e-khat-e-rukh-e-yaar
Safha-e-aaina jolan-gah-e-tooti na hua
Wus'at-e-rehmat-e-haq dekh ke bakhsha jave
Mujh sa kafir ke jo mamnoon-e-ma'asi na hua
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں