دھمکی میں مر گیا جو نہ باب نبرد تھا — مرزا غالب
شاعر
دھمکی میں مر گیا جو نہ باب نبرد تھا
دھمکی میں مر گیا جو نہ باب نبرد تھا
عشق نبرد پیشہ طلب گار مرد تھا
تھا زندگی میں مرگ کا کھٹکا لگا ہوا
اڑنے سے پیشتر بھی مرا رنگ زرد تھا
تالیف نسخہ ہائے وفا کر رہا تھا میں
مجموعۂ خیال ابھی فرد فرد تھا
دل تا جگر کہ ساحل دریائے خوں ہے اب
اس رہ گزر میں جلوۂ گل آگے گرد تھا
جاتی ہے کوئی کشمکش اندوہ عشق کی
دل بھی اگر گیا تو وہی دل کا درد تھا
احباب چارہ سازی وحشت نہ کر سکے
زنداں میں بھی خیال بیاباں نورد تھا
یہ لاش بے کفن اسدؔ خستہ جاں کی ہے
حق مغفرت کرے عجب آزاد مرد تھا
Dhamki mein mar gaya jo na bab-e-nabard tha
Dhamki mein mar gaya jo na bab-e-nabard tha
Ishq nabard-pesha talabgar-e-mard tha
Tha zindagi mein marg ka khatka laga hua
Urdane se peshtar bhi mera rang zard tha
Taalif nuskha-ha-e-wafa kar raha tha main
Majmua-e-khayal abhi fard fard tha
Dil ta jigar ke sahil-e-darya-e-khoon hai ab
Is rahguzar mein jalwa-e-gul aage gard tha
Jaati hai koi kashmakash-e-andooh-e-ishq ki
Dil bhi agar gaya to wohi dil ka dard tha
Ahbab charah-sazi-e-wahshat na kar sake
Zindan mein bhi khayal-e-biyaban-navard tha
Ye lash-e-be-kafan Asad khasta-jaan ki hai
Haq maghfirat kare ajab aazad-mard tha
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں