دھوتا ہوں جب میں پینے کو اس سیم تن کے پاؤں — مرزا غالب
شاعر
دھوتا ہوں جب میں پینے کو اس سیم تن کے پاؤں
دھوتا ہوں جب میں پینے کو اس سیم تن کے پاؤں
رکھتا ہے ضد سے کھینچ کے باہر لگن کے پاؤں
دی سادگی سے جان پڑوں کوہ کن کے پاؤں
ہیہات کیوں نہ ٹوٹ گئے پیرزن کے پاؤں
بھاگے تھے ہم بہت سو اسی کی سزا ہے یہ
ہو کر اسیر دابتے ہیں راہزن کے پاؤں
مرہم کی جستجو میں پھرا ہوں جو دور دور
تن سے سوا فگار ہیں اس خستہ تن کے پاؤں
اللہ رے ذوق دشت نوردی کہ بعد مرگ
ہلتے ہیں خود بہ خود مرے اندر کفن کے پاؤں
ہے جوش گل بہار میں یاں تک کہ ہر طرف
اڑتے ہوئے الجھتے ہیں مرغ چمن کے پاؤں
شب کو کسی کے خواب میں آیا نہ ہو کہیں
دکھتے ہیں آج اس بت نازک بدن کے پاؤں
غالبؔ مرے کلام میں کیوں کر مزا نہ ہو
پیتا ہوں دھوکے خسرو شیریں سخن کے پاؤں
Dhota hoon jab main peene ko us seem-tan ke paon
Dhota hoon jab main peene ko us seem-tan ke paon
Rakkhta hai zid se khinch ke bahar lagan ke paon
Di saadgi se jaan padun koh-kan ke paon
Haihat kyon na toot gaye peerzan ke paon
Bhage the hum bahut so isi ki saza hai ye
Ho kar aseer dabte hain rahzan ke paon
Marham ki justajoo mein phira hoon jo dur dur
Tan se siva figar hain us khasta-tan ke paon
Allah re zauq-e-dasht-navardi ke baad-e-marg
Hilte hain khud-ba-khud mere andar kafan ke paon
Hai josh-e-gul bahar mein yan tak ke har taraf
Udate hue ulajhte hain murgh-e-chaman ke paon
Shab ko kisi ke khwab mein aaya na ho kahin
Dukhte hain aaj us but-e-nazuk-badan ke paon
Ghalib mere kalaam mein kyonkar maza na ho
Peeta hoon dho ke Khusro-e-shireen-sukhan ke paon
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں