دیا ہے دل اگر اس کو بشر ہے کیا کہئے — مرزا غالب
شاعر
دیا ہے دل اگر اس کو بشر ہے کیا کہئے
دیا ہے دل اگر اس کو بشر ہے کیا کہئے
ہوا رقیب تو ہو نامہ بر ہے کیا کہئے
یہ ضد کہ آج نہ آوے اور آئے بن نہ رہے
قضا سے شکوہ ہمیں کس قدر ہے کیا کہئے
رہے ہے یوں گہہ و بے گہہ کہ کوئے دوست کو اب
اگر نہ کہیے کہ دشمن کا گھر ہے کیا کہئے
زہے کرشمہ کہ یوں دے رکھا ہے ہم کو فریب
کہ بن کہے ہی انہیں سب خبر ہے کیا کہئے
سمجھ کے کرتے ہیں بازار میں وہ پرسش حال
کہ یہ کہے کہ سر رہ گزر ہے کیا کہئے
تمہیں نہیں ہے سر رشتۂ وفا کا خیال
ہمارے ہاتھ میں کچھ ہے مگر ہے کیا کہئے
انہیں سوال پہ زعم جنوں ہے کیوں لڑیے
ہمیں جواب سے قطع نظر ہے کیا کہئے
حسد سزائے کمال سخن ہے کیا کیجیے
ستم بہائے متاع ہنر ہے کیا کہئے
کہا ہے کس نے کہ غالبؔ برا نہیں لیکن
سوائے اس کے کہ آشفتہ سر ہے کیا کہئے
Diya hai dil agar is ko bashar hai kya kahiye
Diya hai dil agar is ko bashar hai kya kahiye
Hua raqeeb to ho namah-bar hai kya kahiye
Ye zid ke aaj na aaway aur aaye bin na rahe
Qaza se shikwa hamein kis qadar hai kya kahiye
Rahe hai yun gah-o-be-gah ke koo-e-dost ko ab
Agar na kahiye ke dushman ka ghar hai kya kahiye
Zahe karishma ke yun de rakkha hai hum ko fareb
Ke bin kahe hi unhein sab khabar hai kya kahiye
Samajh ke karte hain bazaar mein woh pursish-e-haal
Ke ye kahe ke sar-e-rahguzar hai kya kahiye
Tumhein nahin hai sar-rishta-e-wafa ka khayal
Hamare haath mein kuch hai magar hai kya kahiye
Unhein sawal pe za'am-e-junoon hai kyon ladiye
Hamein jawab se qata-e-nazar hai kya kahiye
Hasad saza-e-kamal-e-sukhan hai kya kijiye
Sitam baha-e-mata'a-e-hunar hai kya kahiye
Kaha hai kis ne ke Ghalib bura nahin lekin
Siwa-e-is ke ke aashufta-sar hai kya kahiye
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں