ایک ایک قطرہ کا مجھے دینا پڑا حساب — مرزا غالب
شاعر
ایک ایک قطرہ کا مجھے دینا پڑا حساب
ایک ایک قطرہ کا مجھے دینا پڑا حساب
خون جگر ودیعت مژگان یار تھا
اب میں ہوں اور ماتم یک شہر آرزو
توڑا جو تو نے آئنہ تمثال دار تھا
گلیوں میں میری نعش کو کھینچے پھرو کہ میں
جاں دادۂ ہوائے سر رہ گزار تھا
موج سراب دشت وفا کا نہ پوچھ حال
ہر ذرہ مثل جوہر تیغ آب دار تھا
کم جانتے تھے ہم بھی غم عشق کو پر اب
دیکھا تو کم ہوئے پہ غم روزگار تھا
کس کا جنون دید تمنا شکار تھا
آئینہ خانہ وادیٔ جوہر غبار تھا
کس کا خیال آئنۂ انتظار تھا
ہر برگ گل کے پردے میں دل بے قرار تھا
جوں غنچہ و گل آفت فال نظر نہ پوچھ
پیکاں سے تیرے جلوۂ زخم آشکار تھا
دیکھی وفائے فرصت رنج و نشاط دہر
خمیازہ یک درازی عمر خمار تھا
صبح قیامت ایک دم گرگ تھی اسدؔ
جس دشت میں وہ شوخ دو عالم شکار تھا
Ek ek qatra ka mujhe dena pada hisab
Ek ek qatra ka mujhe dena pada hisab
Khoon-e-jigar wadi'at-e-mizhgan-e-yaar tha
Ab main hoon aur matam-e-yak shahr-e-aarzoo
Toda jo tu ne aaina-e-timsaal-e-dar tha
Galiyoon mein meri na'ash ko khinche phiro ke main
Jaan-dada-e-hawa-e-sar-e-rahguzar tha
Mauj-e-saraab-e-dasht-e-wafa ka na poochh haal
Har zarra misl-e-jauhar-e-tegh-e-aabdar tha
Kam jante the hum bhi gham-e-ishq ko par ab
Dekha to kam hue pe gham-e-rozgar tha
Kis ka junoon-e-deed-e-tamanna shikar tha
Aaina-khana-e-wadi-e-jauhar-e-ghubar tha
Kis ka khayal aaina-e-intizaar tha
Har barg-e-gul ke parde mein dil be-qarar tha
Jun ghuncha-o-gul aafat-e-faal-e-nazar na poochh
Paikan se tere jalwa-e-zakhm-e-aashkar tha
Dekhi wafa-e-fursat-e-ranj-o-nishat-e-dahar
Khameeyaza yak darazi-e-umar-e-khumar tha
Subh-e-qayamat ek dam garag thi Asad
Jis dasht mein woh shokh do aalam shikar tha
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں