فریاد کی کوئی لے نہیں ہے — مرزا غالب
شاعر
فریاد کی کوئی لے نہیں ہے
فریاد کی کوئی لے نہیں ہے
نالہ پابند نے نہیں ہے
کیوں بوتے ہیں باغباں تونبے
گر باغ گدائے مے نہیں ہے
ہر چند ہر ایک شے میں تو ہے
پر تجھ سی کوئی شے نہیں ہے
ہاں کھائیو مت فریب ہستی
ہر چند کہیں کہ ہے نہیں ہے
شادی سے گزر کہ غم نہ ہووے
اردی جو نہ ہو تو دے نہیں ہے
کیوں رد قدح کرے ہے زاہد
مے ہے یہ مگس کی قے نہیں ہے
ہستی ہے نہ کچھ عدم ہے غالبؔ
آخر تو کیا ہے اے نہیں ہے
Faryaad ki koi lay nahin hai
Faryaad ki koi lay nahin hai
Naala paabandi-e-nay nahin hai
Kyon bote hain baghban tumbay
Gar bagh-e-gada-e-may nahin hai
Har chand har ek shai mein tu hai
Par tujh si koi shai nahin hai
Haan khayiyo mat fareb-e-hasti
Har chand kahin ke hai nahin hai
Shadi se guzar ke gham na howe
Ardi jo na ho to day nahin hai
Kyon radd-e-qadah kare hai zaahid
May hai ye magas ki qay nahin hai
Hasti hai na kuch adam hai Ghalib
Aakhir to kya hai ae nahin hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں