گر خامشی سے فائدہ اخفائے حال ہے — مرزا غالب
شاعر
گر خامشی سے فائدہ اخفائے حال ہے
گر خامشی سے فائدہ اخفائے حال ہے
خوش ہوں کہ میری بات سمجھنی محال ہے
کس کو سناؤں حسرت اظہار کا گلہ
دل فرد جمع و خرچ زباں ہائے لال ہے
کس پردہ میں ہے آئنہ پرداز اے خدا
رحمت کہ عذر خواہ لب بے سوال ہے
ہے ہے خدا نخواستہ وہ اور دشمنی
اے شوق منفعل یہ تجھے کیا خیال ہے
مشکیں لباس کعبہ علی کے قدم سے جان
ناف زمین ہے نہ کہ ناف غزال ہے
وحشت پہ میری عرصۂ آفاق تنگ تھا
دریا زمین کو عرق انفعال ہے
ہستی کے مت فریب میں آ جائیو اسدؔ
عالم تمام حلقۂ دام خیال ہے
پہلو تہی نہ کر غم و اندوہ سے اسدؔ
دل وقف درد کر کہ فقیروں کا مال ہے
Gar khamoshi se fa'eda ikhfa-e-haal hai
Gar khamoshi se fa'eda ikhfa-e-haal hai
Khush hoon ke meri baat samajhni muhaal hai
Kis ko sunaun hasrat-e-izhar ka gila
Dil fard-e-jam'a-o-kharch-e-zaban-ha-e-lal hai
Kis parde mein hai aaina-pardaz ae Khuda
Rahmat ke uzr-khwah-e-lab-e-be-sawal hai
Hai hai Khuda na-khwastah woh aur dushmani
Ae shauq munfa'il ye tujhe kya khayal hai
Mushkin libas-e-ka'ba Ali ke qadam se jaan
Naaf-e-zamin hai na ke naaf-e-ghazal hai
Wahshat pe meri arsa-e-aafaq tang tha
Darya zamin ko araq-e-infa'al hai
Hasti ke mat fareb mein aa jaiyo Asad
Aalam tamam halqa-e-dam-e-khayal hai
Pahloo tahi na kar gham-o-andooh se Asad
Dil waqf-e-dard kar ke faqiron ka maal hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں