گر تجھ کو ہے یقین اجابت دعا نہ مانگ — مرزا غالب
شاعر
گر تجھ کو ہے یقین اجابت دعا نہ مانگ
گر تجھ کو ہے یقین اجابت دعا نہ مانگ
یعنی بغیر یک دل بے مدعا نہ مانگ
آتا ہے داغ حسرت دل کا شمار یاد
مجھ سے مرے گنہ کا حساب اے خدا نہ مانگ
اے آرزو شہید وفا خوں بہا نہ مانگ
جز بہر دست و بازوئے قاتل دعا نہ مانگ
برہم ہے بزم غنچہ بہ یک جنبش نشاط
کاشانہ بسکہ تنگ ہے غافل ہوا نہ مانگ
میں دور گرد عرض رسوم نیاز ہوں
دشمن سمجھ ولے نگۂ آشنا نہ مانگ
یک بخت اوج نذر سبک باری اسدؔ
سر پر وبال سایۂ بال ہما نہ مانگ
گستاخیٔ وصال ہے مشاطۂ نیاز
یعنی دعا بجز خم زلف دوتا نہ مانگ
عیسیٰ طلسم حسن تغافل ہے زینہار
جز پشت چشم نسخہ عرض دوا نہ مانگ
نظارۂ دیگر و دل خونیں نفس دگر
آئینہ دیکھ جوہر برگ دعا نمانگ
Gar tujh ko hai yaqeen-e-ijabat dua na maang
Gar tujh ko hai yaqeen-e-ijabat dua na maang
Ya'ni baghair-e-yak dil-e-be-mudda'a na maang
Aata hai dagh-e-hasrat-e-dil ka shumar yaad
Mujh se mere gunah ka hisab ae Khuda na maang
Ae aarzoo-e-shaheed-e-wafa khoon-baha na maang
Juz ba-har-e-dast-o-bazoo-e-qaatil dua na maang
Barham hai bazm-e-ghuncha ba-yak jumbish-e-nishaat
Kashanah bas-ke tang hai ghafil hawa na maang
Main dur-e-gard-e-arz-e-rusoom-e-niyaz hoon
Dushman samajh wale nigah-e-aashna na maang
Yak bakht-e-auj-e-nazar-e-subuk-bari Asad
Sar par wabaal-e-saya-e-bal-e-huma na maang
Gustakhi-e-wisal hai mashaatah-e-niyaz
Ya'ni dua ba-juz kham-e-zulf-e-dota na maang
Aisi tilism-e-husn-e-taghaful hai zinhar
Juz pusht-e-chashm nuskha-e-arz-e-dawa na maang
Nazzara-e-digar-o-dil-e-khoonin-nafas digar
Aaina dekh jauhar-e-barg-e-dua na maang
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں