گرم فریاد رکھا شکل نہالی نے مجھے — مرزا غالب
شاعر
گرم فریاد رکھا شکل نہالی نے مجھے
گرم فریاد رکھا شکل نہالی نے مجھے
تب اماں ہجر میں دی برد لیالی نے مجھے
نسیہ و نقد دو عالم کی حقیقت معلوم
لے لیا مجھ سے مری ہمت عالی نے مجھے
کثرت آرائی وحدت ہے پرستاری وہم
کر دیا کافر ان اصنام خیالی نے مجھے
ہوس گل کے تصور میں بھی کھٹکا نہ رہا
عجب آرام دیا بے پر و بالی نے مجھے
زندگی میں بھی رہا ذوق فنا کا مارا
نشہ بخشا غضب اس ساغر خالی نے مجھے
بسکہ تھی فصل خزان چمنستان سخن
رنگ شہرت نہ دیا تازہ خیالی نے مجھے
جلوۂ خور سے فنا ہوتی ہے شبنم غالبؔ
کھو دیا سطوت اسماۓ جلالی نے مجھے
Garm faryaad rakkha shikl-e-nihali ne mujhe
Garm faryaad rakkha shikl-e-nihali ne mujhe
Tab amaan hijr mein di bard-e-liyali ne mujhe
Nasiya-o-naqd-e-do aalam ki haqeeqat ma'loom
Le liya mujh se meri himmat-e-aali ne mujhe
Kasrat-e-aara'i-e-wahdat hai parastaari-e-wahm
Kar diya kaafir in asnam-e-khayali ne mujhe
Hawas-e-gul ke tasawwur mein bhi khatka na raha
Ajab aaram diya be-par-o-bali ne mujhe
Zindagi mein bhi raha zauq-e-fana ka mara
Nasha bakhsha ghazab us sagar-e-khali ne mujhe
Bas-ke thi fasl-e-khizan chamanistan-e-sukhan
Rang-e-shohrat na diya taza khayali ne mujhe
Jalwa-e-khur se fana hoti hai shabnam Ghalib
Kho diya satwat-e-asma-e-jalali ne mujhe
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں