گئی وہ بات کہ ہو گفتگو تو کیونکر ہو — مرزا غالب
شاعر
گئی وہ بات کہ ہو گفتگو تو کیونکر ہو
گئی وہ بات کہ ہو گفتگو تو کیونکر ہو
کہے سے کچھ نہ ہوا پھر کہو تو کیونکر ہو
ہمارے ذہن میں اس فکر کا ہے نام وصال
کہ گر نہ ہو تو کہاں جائیں ہو تو کیونکر ہو
ادب ہے اور یہی کشمکش تو کیا کیجے
حیا ہے اور یہی گو مگو تو کیونکر ہو
تمہیں کہو کہ گزارا صنم پرستوں کا
بتوں کی ہو اگر ایسی ہی خو تو کیونکر ہو
الجھتے ہو تم اگر دیکھتے ہو آئینہ
جو تم سے شہر میں ہوں ایک دو تو کیونکر ہو
جسے نصیب ہو روز سیاہ میرا سا
وہ شخص دن نہ کہے رات کو تو کیونکر ہو
ہمیں پھر ان سے امید اور انہیں ہماری قدر
ہماری بات ہی پوچھیں نہ وہ تو کیونکر ہو
غلط نہ تھا ہمیں خط پر گماں تسلی کا
نہ مانے دیدۂ دیدار جو تو کیونکر ہو
بتاؤ اس مژہ کو دیکھ کر کہ مجھ کو قرار
وہ نیش ہو رگ جاں میں فرو تو کیونکر ہو
مجھے جنوں نہیں غالبؔ ولے بقول حضور
فراق یار میں تسکین ہو تو کیونکر ہو
Gayi woh baat ke ho guftugoo to kyunkar ho
Gayi woh baat ke ho guftugoo to kyunkar ho
Kahe se kuch na hua phir kaho to kyunkar ho
Hamare zehn mein us fikr ka hai naam-e-wasl
Ke gar na ho to kahan ja'ein ho to kyunkar ho
Adab hai aur yehi kashmakash to kya kijiye
Haya hai aur yehi go-magoo to kyunkar ho
Tumhein kaho ke guzara sanam-praston ka
Buton ki ho agar aisi hi khu to kyunkar ho
Ulajhte ho tum agar dekhte ho aaina
Jo tum se shahr mein hon ek do to kyunkar ho
Jise naseeb ho roz-e-siyah mera sa
Woh shakhs din na kahe raat ko to kyunkar ho
Hamein phir un se ummeed aur unhein hamari qadr
Hamari baat hi poochhein na woh to kyunkar ho
Ghalat na tha hamein khat par guman-e-tasalli ka
Na mane deedah-e-deedar jo tu to kyunkar ho
Batao is mizha ko dekh kar ke mujh ko qarar
Woh neesh ho rag-e-jaan mein faro to kyunkar ho
Mujhe junoon nahin Ghalib wale ba-qaul-e-huzoor
Firaaq-e-yaar mein taskeen ho to kyunkar ho
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں