غم دنیا سے گر پائی بھی فرصت سر اٹھانے کی — مرزا غالب
شاعر
غم دنیا سے گر پائی بھی فرصت سر اٹھانے کی
غم دنیا سے گر پائی بھی فرصت سر اٹھانے کی
فلک کا دیکھنا تقریب تیرے یاد آنے کی
کھلے گا کس طرح مضموں مرے مکتوب کا یارب
قسم کھائی ہے اس کافر نے کاغذ کے جلانے کی
لپٹنا پرنیاں میں شعلۂ آتش کا پنہاں ہے
ولے مشکل ہے حکمت دل میں سوز غم چھپانے کی
انہیں منظور اپنے زخمیوں کا دیکھ آنا تھا
اٹھے تھے سیر گل کو دیکھنا شوخی بہانے کی
ہماری سادگی تھی التفات ناز پر مرنا
ترا آنا نہ تھا ظالم مگر تمہید جانے کی
لکد کوب حوادث کا تحمل کر نہیں سکتی
مری طاقت کہ ضامن تھی بتوں کی ناز اٹھانے کی
کہوں کیا خوبی اوضاع ابنائے زماں غالبؔ
بدی کی اس نے جس سے ہم نے کی تھی بارہا نیکی
Gham-e-duniya se gar paayi bhi fursat sar uthane ki
Gham-e-duniya se gar paayi bhi fursat sar uthane ki
Falak ka dekhna taqreeb tere yaad aane ki
Khule ga kis tarah mazmoon mere maktub ka ya Rab
Qasam khayi hai us kaafir ne kaghaz ke jalane ki
Lipatna parniyan mein shola-e-aatish ka pinhan hai
Wale mushkil hai hikmat dil mein soz-e-gham chhupane ki
Unhein manzoor apne zakhmion ka dekh aana tha
Uthe the sair-e-gul ko dekhna shokhi bahane ki
Hamari saadgi thi iltifaat-e-naz par marna
Tera aana na tha zaalim magar tamheed jaane ki
Lakad-kob-e-hawadis ka tahammul kar nahin sakti
Meri taqat ke zaamin thi buton ki naz uthane ki
Kahoon kya khoobi-e-auza-e-abna-e-zaman Ghalib
Badi ki us ne jis se hum ne ki thi barha neki
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں