غم کھانے میں بودا دل ناکام بہت ہے — مرزا غالب
شاعر
غم کھانے میں بودا دل ناکام بہت ہے
غم کھانے میں بودا دل ناکام بہت ہے
یہ رنج کہ کم ہے مئے گلفام بہت ہے
کہتے ہوئے ساقی سے حیا آتی ہے ورنہ
ہے یوں کہ مجھے درد تہ جام بہت ہے
نے تیر کماں میں ہے نہ صیاد کمیں میں
گوشے میں قفس کے مجھے آرام بہت ہے
کیا زہد کو مانوں کہ نہ ہو گرچہ ریائی
پاداش عمل کی طمع خام بہت ہے
ہیں اہل خرد کس روش خاص پہ نازاں
پابستگی رسم و رہ عام بہت ہے
زمزم ہی پہ چھوڑو مجھے کیا طوف حرم سے
آلودہ بہ مے جامۂ احرام بہت ہے
ہے قہر گر اب بھی نہ بنے بات کہ ان کو
انکار نہیں اور مجھے ابرام بہت ہے
خوں ہو کے جگر آنکھ سے ٹپکا نہیں اے مرگ
رہنے دے مجھے یاں کہ ابھی کام بہت ہے
ہوگا کوئی ایسا بھی کہ غالبؔ کو نہ جانے
شاعر تو وہ اچھا ہے پہ بدنام بہت ہے
Gham khane mein boda dil-e-nakaam bahut hai
Gham khane mein boda dil-e-nakaam bahut hai
Ye ranj ke kam hai mai-e-gulfam bahut hai
Kehte hue saqi se haya aati hai warnah
Hai yun ke mujhe dard-e-teh-e-jaam bahut hai
Ne teer kaman mein hai na sayyad kameen mein
Goshe mein qafas ke mujhe aaraam bahut hai
Kya zuhd ko manun ke na ho garche riya'i
Paadash-e-amal ki tama-e-kham bahut hai
Hain ahl-e-khirad kis rawish-e-khas pe nazan
Paabastegi-e-rasm-o-rah-e-aam bahut hai
Zamzam hi pe chhodo mujhe kya taufe harm se
Aalooda ba-may jama-e-ehram bahut hai
Hai qahr gar ab bhi na bane baat ke un ko
Inkar nahin aur mujhe abraam bahut hai
Khoon ho ke jigar aankh se tapka nahin ae marg
Rehne de mujhe yan ke abhi kaam bahut hai
Hoga koi aisa bhi ke Ghalib ko na jane
Sha'ir to woh achha hai pe badnaam bahut hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں