گلہ ہے شوق کو دل میں بھی تنگئ جا کا — مرزا غالب
شاعر
گلہ ہے شوق کو دل میں بھی تنگئ جا کا
گلہ ہے شوق کو دل میں بھی تنگئ جا کا
گہر میں محو ہوا اضطراب دریا کا
یہ جانتا ہوں کہ تو اور پاسخ مکتوب
مگر ستم زدہ ہوں ذوق خامہ فرسا کا
حنائے پائے خزاں ہے بہار اگر ہے یہی
دوام کلفت خاطر ہے عیش دنیا کا
غم فراق میں تکلیف سیر باغ نہ دو
مجھے دماغ نہیں خندہ ہائے بے جا کا
ہنوز محرمی حسن کو ترستا ہوں
کرے ہے ہر بن مو کام چشم بینا کا
دل اس کو پہلے ہی ناز و ادا سے دے بیٹھے
ہمیں دماغ کہاں حسن کے تقاضا کا
نہ کہہ کہ گریہ بہ مقدار حسرت دل ہے
مری نگاہ میں ہے جمع و خرچ دریا کا
فلک کو دیکھ کے کرتا ہوں اس کو یاد اسدؔ
جفا میں اس کی ہے انداز کار فرما کا
مرا شمول ہر اک دل کے پیچ و تاب میں ہے
میں مدعا ہوں تپش نامۂ تمنا کا
ملی نہ وسعت جولان یک جنوں ہم کو
عدم کو لے گئے دل میں غبار صحرا کا
Gila hai shauq ko dil mein bhi tangī-e jā kā
Gila hai shauq ko dil mein bhi tangī-e jā kā
Gehra mein mahv huā iztirāb-e daryā kā
Yeh jāntā huun ke tuu aur pāsiKH-e maktoob
Magar sitam-zada huun zauq-e Khāmah far_sā kā
Hinā-e pā-e Khizāñ hai bahār agar hai yahī
Dawām-e kulfat-e Khātir hai aish-e duniyā kā
Gham-e firāq mein taklīf-e sair-e bāgh na do
Mujhe dimāgh nahīñ KHan_da-hā-e bejā kā
Hanūz mahramī-e husn ko tarastā huun
Kare hai har ban-e mū kām-e chashm-e bīnā kā
Dil us ko pehle hī nāz-o-adā se de baiṭhe
Hamein dimāgh kahān husn ke taqāzā kā
Na kah ke girya bah miqdār-e hasrat-e dil hai
Mirī nigāh mein hai jam_a-o-KHarch-e daryā kā
Falak ko dekh ke kartā huun us ko yaad Asadؔ
Jafā mein us kī hai andāz-e kār-farmā kā
Mirā shumūl har ik dil ke pech-o-tāb mein hai
Main mudda_ā huun tapish-nāma-e tamannā kā
Milī na wus_at-e jaulān-e yak junūn ham ko
Adam ko le ga_e dil mein ghubār-e sahrā kā
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں