گلشن میں بندوبست بہ رنگ دگر ہے آج — مرزا غالب
شاعر
گلشن میں بندوبست بہ رنگ دگر ہے آج
گلشن میں بندوبست بہ رنگ دگر ہے آج
قمری کا طوق حلقۂ بیرون در ہے آج
آتا ہے ایک پارۂ دل ہر فغاں کے ساتھ
تار نفس کمند شکار اثر ہے آج
اے عافیت کنارہ کر اے انتظام چل
سیلاب گریہ درپئے دیوار و در ہے آج
معزولیٔ تپش ہوئی افراط انتظار
چشم کشادہ حلقۂ بیرون در ہے آج
حیرت فروش صد نگرانی ہے اضطرار
سر رشتہ چاک جیب کا تار نظر ہے آج
ہوں داغ نیم رنگیٔ شام وصال یار
نور چراغ بزم سے جوش سحر ہے آج
کرتی ہے عاجزیٔ سفر سوختن تمام
پیراہن خسک میں غبار شرر ہے آج
تا صبح ہے بہ منزل مقصد رسیدنی
دود چراغ خانہ غبار سفر ہے آج
دور اوفتادۂ چمن فکر ہے اسدؔ
مرغ خیال بلبل بے بال و پر ہے آج
Gulshan mein bandobast ba-rang-e digar hai āj
Gulshan mein bandobast ba-rang-e digar hai āj
Qumrī kā tauq halqa ba_īrūn-e dar hai āj
Aatā hai ek pāra-e dil har faġhāñ ke saath
Tār-e nafas kamand-e shikār-e asar hai āj
Ai āfiyat kināra kar ai intizām chal
Sailāb-e girya darpa_e dīvār-o-dar hai āj
Ma'zūlī-e tapish huī ifrāt-e intizār
Chashm-kushāda halqa ba_īrūn-e dar hai āj
Hairat-furosh-e sad nigarānī hai iztirār
Sar-e rishta-e chāk-e jeb kā tār-e nazar hai āj
Huuñ dāġh-e nīm-rañgī-e shām-e visāl-e yār
Nūr-e charāġh-e bazm se josh-e sahar hai āj
Kartī hai ājizī-e safar soKHtān tamām
Pairāhan-e KHushk mein ghubār-e sharar hai āj
Tā sub.h hai ba-manzil-e maqsad rasīdanī
Dūd-e charāġh-e Khāna ghubār-e safar hai āj
Dūr uftāda-e chaman-e fikr hai Asadؔ
Murġh-e KHayāl bulbul-e be-bāl-o-par hai āj
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں