حاصل سے ہاتھ دھو بیٹھ اے آرزو خرامی — مرزا غالب
شاعر
حاصل سے ہاتھ دھو بیٹھ اے آرزو خرامی
حاصل سے ہاتھ دھو بیٹھ اے آرزو خرامی
دل جوش گریہ میں ہے ڈوبی ہوئی اسامی
اس شمع کی طرح سے جس کو کوئی بجھا دے
میں بھی جلے ہوؤں میں ہوں داغ نا تمامی
کرتے ہو شکوہ کس کا تم اور بے وفائی
سر پیٹتے ہیں اپنا ہم اور نیک نامی
صد رنگ گل کترنا در پردہ قتل کرنا
تیغ ادا نہیں ہے پابند بے نیامی
طرف سخن نہیں ہے مجھ سے خدا نہ کردہ
ہے نامہ بر کو اس سے دعوائے ہم کلامی
طاقت فسانۂ باد اندیشہ شعلہ ایجاد
اے غم ہنوز آتش اے دل ہنوز خامی
ہر چند عمر گزری آزردگی میں لیکن
ہے شرح شوق کو بھی جوں شکوہ ناتمامی
ہے یاس میں اسدؔ کو ساقی سے بھی فراغت
دریا سے خشک گزرے مستوں کی تشنہ کامی
Hāsil se haath dho baiṭh ai ārzū-KHarāmī
Hāsil se haath dho baiṭh ai ārzū-KHarāmī
Dil josh-e girya mein hai ḍūbī huī asāmī
Us sham_a kī tarah se jis ko ko_ī bujhā de
Main bhī jale huoñ mein huun dāgh-e nā-tamāmī
Karte ho shikva kis kā tum aur be-vafā_ī
Sar pīṭte hain apnā ham aur nek-nāmī
Sad rang-e gul katarnā dar-parda qatl karnā
Tegh-e adā nahīñ hai pāband-e be-niyāmī
Tarfa-e suKHan nahīñ hai mujh se KHudā na karde
Hai nāma-bar ko us se da'vā-e ham-kalāmī
Tāqat-e fasāna-e bād andesha-e sho'la-ī_jād
Ai ġham hanūz ātish ai dil hanūz KHamī
Har chand umr guzrī āzurdagī mein lekin
Hai sharh-e shauq ko bhī jūñ shikva-e nā-tamāmī
Hai yās mein Asadؔ ko sāqī se bhī farāġhat
Daryā se KHushk guzre mastoñ kī tishna-kāmī
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں