ہے آرمیدگی میں نکوہش بجا مجھے — مرزا غالب
شاعر
ہے آرمیدگی میں نکوہش بجا مجھے
ہے آرمیدگی میں نکوہش بجا مجھے
صبح وطن ہے خندۂ دنداں نما مجھے
ڈھونڈے ہے اس مغنی آتش نفس کو جی
جس کی صدا ہو جلوۂ برق فنا مجھے
مستانہ طے کروں ہوں رہ وادی خیال
تا باز گشت سے نہ رہے مدعا مجھے
کرتا ہے بسکہ باغ میں تو بے حجابیاں
آنے لگی ہے نکہت گل سے حیا مجھے
کھلتا کسی پہ کیوں مرے دل کا معاملہ
شعروں کے انتخاب نے رسوا کیا مجھے
واں رنگ ہا بہ پردۂ تدبیر ہیں ہنوز
یاں شعلۂ چراغ ہے برگ حنا مجھے
پرواز ہا نیاز تماشائے حسن دوست
بال کشادہ ہے نگۂ آشنا مجھے
از خود گزشتگی میں خموشی پہ حرف ہے
موج غبار سرمہ ہوئی ہے صدا مجھے
تا چند پست فطرتیٔ طبع آرزو
یا رب ملے بلندیٔ دست دعا مجھے
میں نے جنوں سے کی جو اسدؔ التماس رنگ
خون جگر میں ایک ہی غوطہ دیا مجھے
ہے پیچ تاب رشتۂ شمع سحر گہی
خجلت گدازیٔ نفس نارسا مجھے
یاں آب و دانہ موسم گل میں حرام ہے
زنار واگسستہ ہے موج صبا مجھے
یکبار امتحان ہوس بھی ضرور ہے
اے جوش عشق بادۂ مرد آزما مجھے
Hai ārmīdagī mein nikūhish bajā mujhe
Hai ārmīdagī mein nikūhish bajā mujhe
Sub.h-e vatan hai KHan_da-e dandāñ-numā mujhe
Ḍhūnḍe hai us muġhannī-e ātish-nafas ko jī
Jis kī sadā ho jalva-e barq-e fanā mujhe
Mastāna tai karūñ huun rah-e vādī-e KHayāl
Tā bāz-gasht se na rahe mudda_ā mujhe
Kartā hai bas-ke bāġh mein tū be-hijābiyāñ
Aane lagī hai nik_hat-e gul se hayā mujhe
Khultā kisī pe kyuuñ mere dil kā mu_āmala
Sheroñ ke intikHāb ne rusvā kiyā mujhe
Wāñ rañg-hā ba-parda-e tadbīr hain hanūz
Yāñ sho'la-e charāġh hai barg-e hinā mujhe
Parvāz-hā niyāz-e tamāshā-e husn-e dost
Bāl-kushāda hai nigeh-e āshnā mujhe
Az KHud-guzashtagī mein KHamoshī pe harf hai
Mauj-e ghubār-e surma huī hai sadā mujhe
Tā chand past-fitratī-e tab'-e ārzū
Yā rab mile bulandī-e dast-e du'ā mujhe
Maine junūñ se kī jo Asadؔ iltimās-e rang
KHūn-e jigar mein ek hī ġhota diyā mujhe
Hai pech-o-tāb-e rishta-e sham_a-e sahar-gahī
KHijlat-gudāzī-e nafas-e nā-rasā mujhe
Yāñ āb-o-dāna mausam-e gul mein harām hai
Zunnār-e vā-gasasta hai mauj-e sabā mujhe
Yakbār imtihān-e havas bhī zarūr hai
Ai josh-e ishq bāda-e mard-āzmā mujhe
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں