ہے بزم بتاں میں سخن آزردہ لبوں سے — مرزا غالب
شاعر
ہے بزم بتاں میں سخن آزردہ لبوں سے
ہے بزم بتاں میں سخن آزردہ لبوں سے
تنگ آئے ہیں ہم ایسے خوشامد طلبوں سے
ہے دور قدح وجہ پریشانی صہبا
یک بار لگا دو خم مے میرے لبوں سے
رندان در مے کدہ گستاخ ہیں زاہد
زنہار نہ ہونا طرف ان بے ادبوں سے
بیداد وفا دیکھ کہ جاتی رہی آخر
ہر چند مری جان کو تھا ربط لبوں سے
کیا پوچھے ہے بر خود غلطیہائے عزیزاں
خواری کو بھی اک عار ہے عالی نسبوں سے
گو تم کو رضا جوئی اغیار ہے لیکن
جاتی ہے ملاقات کب ایسے سببوں سے
مت پوچھ اسدؔ وعدۂ کم فرصتیٔ زیست
دو دن بھی جو کاٹے تو قیامت تعبوں سے
Hai bazm-e butāñ mein suKHan āzurda laboñ se
Hai bazm-e butāñ mein suKHan āzurda laboñ se
Tañg aaye hain ham aise KHushāmad-talaboñ se
Hai daur-e qadah vaj_h-e pareshānī-e sahbā
Yak bār lagā do KHam-e mai mere laboñ se
Rindān-e dar-e mai-kada gustāKH hain zāhid
Zinhār na honā taraf un be-adaboñ se
Baīdād-e vafā dekh ke jaatī rahī aaKHir
Har chand merī jaañ ko thā rabt-e laboñ se
Kyā pūchhe hai bar KHud ġhalat-hā-e azīzāñ
KHvārī ko bhī ik ār hai ālī-nasaboñ se
Go tum ko razā-jo_ī-e aġyār hai lekin
Jātī hai mulāqāt kab aise sababoñ se
Mat pūchh Asadؔ va'da-e kam-fursatī-e zīst
Do din bhī jo kāṭe to qayāmat ta'aboñ se
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں