ہے کس قدر ہلاک فریب وفائے گل — مرزا غالب
شاعر
ہے کس قدر ہلاک فریب وفائے گل
ہے کس قدر ہلاک فریب وفائے گل
بلبل کے کاروبار پہ ہیں خندہ ہائے گل
آزادی نسیم مبارک کہ ہر طرف
ٹوٹے پڑے ہیں حلقۂ دام ہوائے گل
جو تھا سو موج رنگ کے دھوکے میں مر گیا
اے واے نالۂ لب خونیں نوائے گل
خوش حال اس حریف سیہ مست کا کہ جو
رکھتا ہو مثل سایۂ گل سر بہ پائے گل
ایجاد کرتی ہے اسے تیرے لیے بہار
میرا رقیب ہے نفس عطر سائے گل
شرمندہ رکھتے ہیں مجھے باد بہار سے
مینائے بے شراب و دل بے ہوائے گل
سطوت سے تیرے جلوۂ حسن غیور کی
خوں ہے مری نگاہ میں رنگ ادائے گل
تیرے ہی جلوہ کا ہے یہ دھوکا کہ آج تک
بے اختیار دوڑے ہے گل در قفائے گل
غالبؔ مجھے ہے اس سے ہم آغوشی آرزو
جس کا خیال ہے گل جیب قبائے گل
دیوانگاں کا چارہ فروغ بہار ہے
ہے شاخ گل میں پنجۂ خوباں بجائے گل
مژگاں تلک رسائی لخت جگر کہاں
اے وائے گر نگاہ نہ ہو آشنائے گل
Hai kis qadar halāk-e fareb-e vafā-e gul
Hai kis qadar halāk-e fareb-e vafā-e gul
Bulbul ke kār-o-bār pe hain KHan_da-hā-e gul
Āzādī-e nasīm mubārak ke har taraf
Ṭūṭe paṛe hain halqa-e dām-e havā-e gul
Jo thā so mauj-e rang ke dhoke mein mar gayā
Ai va_e nāla-e lab-e KHūñīñ-navā-e gul
KHush-hāl us harīf-e siya-mast kā ke jo
Rakhtā ho misl-e sāya-e gul sar ba-pā-e gul
Ījād kartī hai use tere liye bahār
Merā raqīb hai nafas-e itr-sā-e gul
Sharminda rakhte hain mujhe bād-e bahār se
Mīnā-e be-sharāb-o-dil-e be-havā-e gul
Satvat se tere jalva-e husn-e ġhayūr kī
KHūñ hai merī nigāh mein rang-e adā-e gul
Tere hī jalva kā hai ye dhokā ke āj tak
Be-iKHtiyār dauṛe hai gul dar qafā-e gul
Ghalibؔ mujhe hai us se ham-āġhoshī-e ārzū
Jis kā KHayāl hai gul-e jeb-e qabā-e gul
Divāngāñ kā chāra furūġh-e bahār hai
Hai shāKH-e gul mein panja-e KHūbāñ bajā-e gul
Mizh_gāñ talak rasā_ī-e laKHt-e jigar kahāñ
Ai va_e gar nigāh na ho āshnā-e gul
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں