ہے سبزہ زار ہر در و دیوار غم کدہ — مرزا غالب
شاعر
ہے سبزہ زار ہر در و دیوار غم کدہ
ہے سبزہ زار ہر در و دیوار غم کدہ
جس کی بہار یہ ہو پھر اس کی خزاں نہ پوچھ
ناچار بیکسی کی بھی حسرت اٹھائیے
دشواریٔ رہ و ستم ہم رہاں نہ پوچھ
جز دل سراغ درد بہ دل خفتگاں نہ پوچھ
آئینہ عرض کر خط و خال بیاں نہ پوچھ
ہندوستان سایۂ گل پاۓ تخت تھا
جاہ و جلال عہد وصال بتاں نہ پوچھ
غفلت متاع کفۂ میزان عدل ہوں
یا رب حساب سختیٔ خواب گراں نہ پوچھ
ہر داغ تازہ یک دل داغ انتظار ہے
عرض فضاۓ سینۂ درد امتحاں نہ پوچھ
کہتا تھا کل وہ محرم راز اپنے سے کہ آہ
درد جدائی اسدؔ اللہ خاں نہ پوچھ
پرواز یک تپ غم تسخیر نالہ ہے
گرمیٔ نبض خار و خس آشیاں نہ پوچھ
تو مشق باز کر دل پروانہ ہے بہار
بیتابیٔ تجلیٔ آتش بجاں نہ پوچھ
Hai sabza-zār har dar-o-dīvār-e ġham-kada
Hai sabza-zār har dar-o-dīvār-e ġham-kada
Jis kī bahār ye ho phir us kī KHizāñ na pūchh
Nāchār be-kasī kī bhī hasrat uṭhā_iye
Dushvārī-e rah-o-sitam-e ham-rahāñ na pūchh
Juz dil surāġh-e dard ba-dil-e KHuftagāñ na pūchh
A_īna arz kar KHat-o-KHal bayāñ na pūchh
Hindustān sāya-e gul-pā-e taKHt thā
Jāh-o-jalāl-e ahd-e visāl-e butāñ na pūchh
Ġhaflat-e matā-e kaffa-e mīzān-e adl huun
Yā rab hisāb-e saKHtī-e KHvāb-e girāñ na pūchh
Har dāġh-e tāza yak dil-e dāġh-e intizār hai
Arz-e fazā-e sīna-e dard-e imtihān na pūchh
Kahtā thā kal vo mahram-e rāz apne se ke āh
Dard-e judā_ī Asadؔ-ullāh KHāñ na pūchh
Parvāz-e yak tap-e ġham taKHsīr-e nāla hai
Garmī-e nabz-e KHār-o-KHas-e āshiyāñ na pūchh
Tū mashq bāz kar dil-e parvāna hai bahār
Be-tābī-e tajallī-e ātish-ba-jāñ na pūchh
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں