حیراں ہوں دل کو روؤں کہ پیٹوں جگر کو میں — مرزا غالب
شاعر
حیراں ہوں دل کو روؤں کہ پیٹوں جگر کو میں
حیراں ہوں دل کو روؤں کہ پیٹوں جگر کو میں
مقدور ہو تو ساتھ رکھوں نوحہ گر کو میں
چھوڑا نہ رشک نے کہ ترے گھر کا نام لوں
ہر اک سے پوچھتا ہوں کہ جاؤں کدھر کو میں
جانا پڑا رقیب کے در پر ہزار بار
اے کاش جانتا نہ ترے رہگزر کو میں
ہے کیا جو کس کے باندھئے میری بلا ڈرے
کیا جانتا نہیں ہوں تمہاری کمر کو میں
لو وہ بھی کہتے ہیں کہ یہ بے ننگ و نام ہے
یہ جانتا اگر تو لٹاتا نہ گھر کو میں
چلتا ہوں تھوڑی دور ہر اک تیز رو کے ساتھ
پہچانتا نہیں ہوں ابھی راہ بر کو میں
خواہش کو احمقوں نے پرستش دیا قرار
کیا پوجتا ہوں اس بت بیداد گر کو میں
پھر بے خودی میں بھول گیا راہ کوئے یار
جاتا وگرنہ ایک دن اپنی خبر کو میں
اپنے پہ کر رہا ہوں قیاس اہل دہر کا
سمجھا ہوں دل پذیر متاع ہنر کو میں
غالبؔ خدا کرے کہ سوار سمند ناز
دیکھوں علی بہادر عالی گہر کو میں
Hairāñ huun dil ko ro_ūñ ke pīṭūñ jigar ko maiñ
Hairāñ huun dil ko ro_ūñ ke pīṭūñ jigar ko maiñ
Maqdūr ho to saath rakhūñ nauha-gar ko maiñ
Choṛā na rashk ne ke tere ghar kā nām lūñ
Har ik se pūchhtā huun ke jā_ūñ kidhar ko maiñ
Jānā paṛā raqīb ke dar par hazār bār
Ai kaash jāntā na tere rah-guzar ko maiñ
Hai kyā jo kis ke bāñdhiye merī balā ḍare
Kyā jāntā nahīñ huun tumhārī kamar ko maiñ
Lo vo bhī kahte hain ke ye be-nañg-o-nām hai
Ye jāntā agar to luṭātā na ghar ko maiñ
Chaltā huun thoṛī duur har ik tez-rau ke saath
Pahchāntā nahīñ huun abhī rāh-bar ko maiñ
KHvāhish ko ahmaqoñ ne parastish diyā qarār
Kyā pūjtā huun us but-e bedād-gar ko maiñ
Phir beKHudī mein bhūl gayā rāh-e kū-e yār
Jātā vagarna ek din apnī KHabar ko maiñ
Apne pe kar rahā huun qayās ahl-e dahr kā
Samjhā huun dil-pazīr matā-e hunar ko maiñ
Ghalibؔ KHudā kare ke savār-e samand-e nāz
Dekhūñ Alī Bahādur-e ālī-gauhar ko maiñ
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں