حسد سے دل اگر افسردہ ہے گرم تماشا ہو — مرزا غالب
شاعر
حسد سے دل اگر افسردہ ہے گرم تماشا ہو
حسد سے دل اگر افسردہ ہے گرم تماشا ہو
کہ چشم تنگ شاید کثرت نظارہ سے وا ہو
بہ قدر حسرت دل چاہیے ذوق معاصی بھی
بھروں یک گوشۂ دامن گر آب ہفت دریا ہو
اگر وہ سرو قد گرم خرام ناز آ جاوے
کف ہر خاک گلشن شکل قمری نالہ فرسا ہو
بہم بالیدن سنگ و گل صحرا یہ چاہے ہے
کہ تار جادہ بھی کہسار کو زنار مینا ہو
حریف وحشت ناز نسیم عشق جب آؤں
کہ مثل غنچہ ساز یک گلستاں دل مہیا ہو
بجائے دانہ خرمن یک بیاباں بیضۂ قمری
مرا حاصل وہ نسخہ ہے کہ جس سے خاک پیدا ہو
کرے کیا ساز بینش وہ شہید درد آگاہی
جسے موئے دماغ بے خودی خواب زلیخا ہو
دل جوں شمع بہر دعوت نظارہ لایعنی
نگہ لبریز اشک و سینہ معمور تمنا ہو
نہ دیکھیں روئے یک دل سرد غیر از شمع کافوری
خدایا اس قدر بزم اسدؔ گرم تماشا ہو
Hasad se dil agar afsurda hai garm-e tamāshā ho
Hasad se dil agar afsurda hai garm-e tamāshā ho
Ke chashm-e tañg shāyad kasrat-e nazāra se vā ho
Ba-qadar-e hasrat-e dil chāhiye zauq-e ma'āsī bhī
Bharūñ yak gosha-e dāman gar āb-e haft daryā ho
Agar vo sarv-qad garm-e KHarām-e nāz aa jāve
Kaf-e har KHāk-e gulshan shakl-e qumrī nāla-farsā ho
Baham bālīdan-e sang-o-gul-e sahrā ye chāhe hai
Ke tār-e jāda bhī kohsār ko zunnār-e mīnā ho
Harīf-e vahshat-e nāz-e nasīm-e ishq jab āveñ
Ke misl-e ghun_cha-e sāz-e yak gulistāñ dil muhayyā ho
Bajā-e dāna-e KHirman yak biyābāñ baiza-e qumrī
Mirā hāsil vo nusKHa hai ke jis se KHāk paidā ho
Kare kyā sāz-e bī_nish vo shahīd-e dard-e āgahī
Jise mū-e dimāġh-e beKHudī KHvāb-e ZulKHa ho
Dil jūñ sham_a ba-har da'vat-e nazāra-e lā-ya'nī
Nigeh labrez-e ashk-o-sīna ma'mūr-e tamannā ho
Na dekheñ rū-e yak dil-e sard gair az sham_a-e kāfūrī
KHudāyā is qadar bazm-e Asadؔ garm-e tamāshā ho
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں