ہوس کو ہے نشاط کار کیا کیا — مرزا غالب
شاعر
ہوس کو ہے نشاط کار کیا کیا
ہوس کو ہے نشاط کار کیا کیا
نہ ہو مرنا تو جینے کا مزا کیا
تجاہل پیشگی سے مدعا کیا
کہاں تک اے سراپا ناز کیا کیا
نوازش ہائے بے جا دیکھتا ہوں
شکایت ہائے رنگیں کا گلہ کیا
نگاہ بے محابا چاہتا ہوں
تغافل ہائے تمکیں آزما کیا
فروغ شعلۂ خس یک نفس ہے
ہوس کو پاس ناموس وفا کیا
نفس موج محیط بے خودی ہے
تغافل ہائے ساقی کا گلہ کیا
دماغ عطر پیراہن نہیں ہے
غم آوارگی ہائے صبا کیا
دل ہر قطرہ ہے ساز انا البحر
ہم اس کے ہیں ہمارا پوچھنا کیا
محابا کیا ہے میں ضامن ادھر دیکھ
شہیدان نگہ کا خوں بہا کیا
سن اے غارت گر جنس وفا سن
شکست شیشۂ دل کی صدا کیا
کیا کس نے جگر داری کا دعویٰ
شکیب خاطر عاشق بھلا کیا
یہ قاتل وعدۂ صبر آزما کیوں
یہ کافر فتنۂ طاقت ربا کیا
بلائے جاں ہے غالبؔ اس کی ہر بات
عبارت کیا اشارت کیا ادا کیا
Havas ko hai nashāt-e kār kyā kyā
Havas ko hai nashāt-e kār kyā kyā
Na ho marnā to jīne kā mazā kyā
Tajāhul-peshgī se mudda_ā kyā
Kahāñ tak ai sarāpā-e nāz kyā kyā
Navāzish-hā-e be-jā dekhtā huun
Shikāyat-hā-e rangīñ kā gila kyā
Nigāh-e be-muhābā chāhtā huun
Taġhāful-hā-e tamkīn-āzmā kyā
Farūġh-e sho'la-e KHas yak nafas hai
Havas ko pās-e nāmūs-e vafā kyā
Nafas mauj-e muhīt-e beKHudī hai
Taġhāful-hā-e sāqī kā gila kyā
Dimāġh-e itr-e pairāhan nahīñ hai
Ġham-e āvārgi-hā-e sabā kyā
Dil har qatra hai sāz-e Ana-al-bahr
Ham us ke hain hamārā pūchhnā kyā
Muhābā kyā hai maiñ zāmin idhar dekh
Shahīdān-e nigāh kā KHūñ-bahā kyā
Sun ai ġhārat-gar-e jins-e vafā sun
Shikast-e shīsha-e dil kī sadā kyā
Kiyā kis ne jigar-dārī kā da'vā
Shakeb-e KHātir-e āshiq bhalā kyā
Ye qātil va'da-e sabr-āzmā kyuuñ
Ye kāfir fitna-e tāqat-rabā kyā
Balā-e jāñ hai Ghalibؔ us kī har baat
Ibārat kyā ishārat kyā adā kyā
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں