ہجوم غم سے یاں تک سرنگونی مجھ کو حاصل ہے — مرزا غالب
شاعر
ہجوم غم سے یاں تک سرنگونی مجھ کو حاصل ہے
ہجوم غم سے یاں تک سرنگونی مجھ کو حاصل ہے
کہ تار دامن و تار نظر میں فرق مشکل ہے
رفوئے زخم سے مطلب ہے لذت زخم سوزن کی
سمجھیو مت کہ پاس درد سے دیوانہ غافل ہے
وہ گل جس گلستاں میں جلوہ فرمائی کرے غالبؔ
چٹکنا غنچۂ گل کا صداۓ خندۂ دل ہے
ہوا ہے مانع عاشق نوازی ناز خود بینی
تکلف بر طرف آئینۂ تمئیز حائل ہے
بہ سیل اشک لخت دل ہے دامن گیر مژگاں کا
غریق بحر جویائے خس و خاشاک ساحل ہے
بہا ہے یاں تک اشکوں میں غبار کلفت خاطر
کہ چشم تر میں ہر اک پارۂ دل پائے در گل ہے
نکلتی ہے تپش میں بسملوں کی برق کی شوخی
غرض اب تک خیال گرمیٔ رفتار قاتل ہے
Hujūm-e ġham se yahāñ tak sar-nigūnī mujh ko hāsil hai
Hujūm-e ġham se yahāñ tak sar-nigūnī mujh ko hāsil hai
Ke tār-e dāman-o-tār-e nazar mein farq mushkil hai
Rafū-e zaKHm se matlab hai lazzat-e zaKHm-e sozān kī
Samjhiyo mat ke pās-e dard se dīvāna ġhāfil hai
Vo gul jis gulistāñ mein jalva-farmā_ī kare Ghalibؔ
Chaṭaknā ghun_cha-e gul kā sadā-e KHan_da-e dil hai
Huā hai māni-e āshiq-navāzī-e nāz-e KHud-bīnī
Takalluf bar-taraf ā_īna-e tamīz hā_il hai
Ba-sail-e ashk laKHt-e dil hai dāman-gīr-e mizh_gāñ kā
Ġharīq-e bahr-e jo_yā_e KHas-o-KHāshāk-e sāhil hai
Bahā hai yahāñ tak ashkoñ mein ghubār-e kulfat-e KHātir
Ke chashm-e tar mein har ik pāra-e dil pā_e dar-e gil hai
Nikaltī hai tapish mein bismiloñ kī barq kī shoKHī
Ġharaz ab tak KHayāl-e garmī-e raftār-e qātil hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں