ہجوم نالہ حیرت عاجز عرض یک افغاں ہے — مرزا غالب
شاعر
ہجوم نالہ حیرت عاجز عرض یک افغاں ہے
ہجوم نالہ حیرت عاجز عرض یک افغاں ہے
خموشی ریشۂ صد نیستاں سے خس بہ دنداں ہے
تکلف بر طرف ہے جاں ستاں تر لطف بد خویاں
نگاہ بے حجاب ناز تیغ تیز عریاں ہے
ہوئی یہ کثرت غم سے تلف کیفیت شادی
کہ صبح عید مجھ کو بد تر از چاک گریباں ہے
دل و دیں نقد لا ساقی سے گر سودا کیا چاہے
کہ اس بازار میں ساغر متاع دست گرداں ہے
غم آغوش بلا میں پرورش دیتا ہے عاشق کو
چراغ روشن اپنا قلزم صرصر کا مرجاں ہے
تکلف ساز رسوائی ہے غافل شرم رعنائی
دل خوں گشتہ در دست حنا آلودہ عریاں ہے
اسدؔ جمعیت دل در کنار بے خودی خوش تر
دو عالم آگہی سامان یک خواب پریشاں ہے
کہ جامے کو عرق سعی عروج نشہ رنگیں تر
خط رخسار ساقی تا خط ساغر چراغاں ہے
رہا بے قدر دل در پردۂ جوش ظہور آخر
گل و نرگس بہم آئینہ و اقلیم کوراں ہے
تماشا سرخوش غفلت ہے با وصف حضور دل
ہنوز آئینہ خلوت گاہ ناز ربط مژگاں ہے
تکلف بر طرف ذوق زلیخا جمع کر ورنہ
پریشاں خواب آغوش وداع یوسف ستاں ہے
Hujūm-e nāla-e hairat ājiz-e arz-e yak afġhāñ hai
Hujūm-e nāla-e hairat ājiz-e arz-e yak afġhāñ hai
KHamoshī resha-e sad nīstāñ se KHas ba-dandāñ hai
Takalluf bar-taraf hai jāñ-sitāñ-tar lutf-e bad-KHūyāñ
Nigāh-e be-hijāb-e nāz teġh-e tez uriyāñ hai
Huī ye kasrat-e ġham se talaf kaifiyat-e shādī
Ke sub.h-e īd mujh ko bad-tar az chāk-e garībāñ hai
Dil-o-dīñ naqd lā sāqī se gar saudā kiyā chāhiye
Ke is bāzār mein sāġhar matā-e dast-gardāñ hai
Ġham-e āġhosh-e balā mein parvarish detā hai āshiq ko
Charāġh-e raushan apnā qulzum-e sarsar kā marjāñ hai
Takalluf-sāz-e rusvā_ī hai ġhāfil sharm-e ra'nā_ī
Dil-e KHūñ-gashta dar dast-e hinā-ālūda uriyāñ hai
Asadؔ jam'īyat-e dil dar kinār-e beKHudī KHush-tar
Do ālam āgahī sāmān-e yak KHvāb-e pareshāñ hai
Ke jāme ko araq sa'ī-e urūj-e nasha rangīñ-tar
KHat-e ruKHsār-e sāqī tā KHat-e sāġhar charāġhāñ hai
Rahā be-qadr-e dil dar parda-e josh-e zuhūr aaKHir
Gul-o-nargis baham ā_īna-o-iqlīm-e kūrāñ hai
Tamāshā sar-KHush-e ġhaflat hai bā-vasf-e huzūr-e dil
Hanūz ā_īna-e KHilvat-gāh-e nāz rabt-e mizh_gāñ hai
Takalluf bar-taraf zauq-e ZulKHa jam'a kar varna
Pareshāñ KHvāb-e āġhosh-e vidā-e Yūsuf-sitāñ hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں