حسن غمزے کی کشاکش سے چھٹا میرے بعد — مرزا غالب
شاعر
حسن غمزے کی کشاکش سے چھٹا میرے بعد
حسن غمزے کی کشاکش سے چھٹا میرے بعد
بارے آرام سے ہیں اہل جفا میرے بعد
منصب شیفتگی کے کوئی قابل نہ رہا
ہوئی معزولی انداز و ادا میرے بعد
شمع بجھتی ہے تو اس میں سے دھواں اٹھتا ہے
شعلۂ عشق سیہ پوش ہوا میرے بعد
خوں ہے دل خاک میں احوال بتاں پر یعنی
ان کے ناخن ہوئے محتاج حنا میرے بعد
در خور عرض نہیں جوہر بیداد کو جا
نگہ ناز ہے سرمے سے خفا میرے بعد
ہے جنوں اہل جنوں کے لیے آغوش وداع
چاک ہوتا ہے گریباں سے جدا میرے بعد
کون ہوتا ہے حریف مے مرد افگن عشق
ہے مکرر لب ساقی پہ صلا میرے بعد
غم سے مرتا ہوں کہ اتنا نہیں دنیا میں کوئی
کہ کرے تعزیت مہر و وفا میرے بعد
آئے ہے بیکسی عشق پہ رونا غالبؔ
کس کے گھر جائے گا سیلاب بلا میرے بعد
تھی نگہ میری نہاں خانۂ دل کی نقاب
بے خطر جیتے ہیں ارباب ریا میرے بعد
تھا میں گلدستۂ احباب کی بندش کی گیاہ
متفرق ہوئے میرے رفقا میرے بعد
Husn ġhamze kī kashākash se chhuṭā mere ba'd
Husn ġhamze kī kashākash se chhuṭā mere ba'd
Bāre ārām se hain ahl-e jafā mere ba'd
Mansab-e shīftagī ke ko_ī qābil na rahā
Huī ma'zūlī-e andāz-o-adā mere ba'd
Sham_a bujhtī hai to us mein se dhuāñ uṭhtā hai
Sho'la-e ishq siya-posh huā mere ba'd
KHūñ hai dil-e KHāk mein ahvāl-e butāñ par ya'nī
Un ke nāKHun hue muhtāj-e hinā mere ba'd
Dar-KHūr-e arz nahīñ jauhar-e bedād ko jā
Nigeh-e nāz hai surme se KHafā mere ba'd
Hai junūñ ahl-e junūñ ke liye āġhosh-e vidā'
Chāk hotā hai garībāñ se judā mere ba'd
Kaun hotā hai harīf-e mai-e mard-afgan-e ishq
Hai mukarrar lab-e sāqī pe salā mere ba'd
Ġham se martā huun ke itnā nahīñ duniyā mein ko_ī
Ke kare ta'ziyat-e mehr-o-vafā mere ba'd
Aaye hai be-kasī-e ishq pe ronā Ghalibؔ
Kis ke ghar jā_e gā sailāb-e balā mere ba'd
Thī nigeh merī nihāñ-KHāna-e dil kī naqāb
Be-KHat_ar jīte hain arbāb-e riyā mere ba'd
Thā maiñ guldasta-e ahbāb kī bandish kī giyāh
Mutafarriq hue mere rufaqā mere ba'd
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں