عشرت قطرہ ہے دریا میں فنا ہو جانا — مرزا غالب
شاعر
عشرت قطرہ ہے دریا میں فنا ہو جانا
عشرت قطرہ ہے دریا میں فنا ہو جانا
درد کا حد سے گزرنا ہے دوا ہو جانا
تجھ سے قسمت میں مری صورت قفل ابجد
تھا لکھا بات کے بنتے ہی جدا ہو جانا
دل ہوا کشمکش چارۂ زحمت میں تمام
مٹ گیا گھسنے میں اس عقدے کا وا ہو جانا
اب جفا سے بھی ہیں محروم ہم اللہ اللہ
اس قدر دشمن ارباب وفا ہو جانا
ضعف سے گریہ مبدل بہ دم سرد ہوا
باور آیا ہمیں پانی کا ہوا ہو جانا
دل سے مٹنا تری انگشت حنائی کا خیال
ہو گیا گوشت سے ناخن کا جدا ہو جانا
ہے مجھے ابر بہاری کا برس کر کھلنا
روتے روتے غم فرقت میں فنا ہو جانا
گر نہیں نکہت گل کو ترے کوچے کی ہوس
کیوں ہے گرد رہ جولان صبا ہو جانا
بخشے ہے جلوۂ گل ذوق تماشا غالبؔ
چشم کو چاہیے ہر رنگ میں وا ہو جانا
تا کہ تجھ پر کھلے اعجاز ہوائے صیقل
دیکھ برسات میں سبز آئنے کا ہو جانا
Ishrat-e-qatra hai darya mein fana ho jana
Ishrat-e-qatra hai darya mein fana ho jana
Dard ka had se guzarna hai dawa ho jana
Tujh se qismat mein meri surat-e-qufl-e-abjad
Tha likha baat ke bante hi juda ho jana
Dil hua kashmakash-e-chara-e-zahmat mein tamaam
Mit gaya ghisne mein us uqde ka va ho jana
Ab jafa se bhi hain mahroom hum Allah Allah
Is qadar dushman-e-arbab-e-wafa ho jana
Za'f se girya mubaddal ba-dam-e-sard hua
Bawar aaya hamen paani ka hawa ho jana
Dil se mitna teri angusht-e-hinayi ka khayal
Hu gaya gosht se naakhun ka juda ho jana
Hai mujhe abr-e-bahari ka baras kar khulna
Rote rote gham-e-furqat mein fana ho jana
Gar nahin nikhat-e-gul ko tere kuche ki havas
Kyun hai gard-e-rah-e-jolan-e-saba ho jana
Bakhshe hai jalwa-e-gul zauq-e-tamasha Ghalibؔ
Chashm ko chahiye har rang mein va ho jana
Ta ke tujh par khule i'jaaz-e-hawa-e-saiqal
Dekh barsaat mein sabz aaine ka ho jana
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں