جادۂ رہ خور کو وقت شام ہے تار شعاع — مرزا غالب
شاعر
جادۂ رہ خور کو وقت شام ہے تار شعاع
جادۂ رہ خور کو وقت شام ہے تار شعاع
چرخ وا کرتا ہے ماہ نو سے آغوش وداع
شمع سے ہے بزم انگشت تحیر در دہن
شعلۂ آواز خوباں پر بہ ہنگام سماع
جوں پر طاؤس جوہر تختہ مشق رنگ ہے
بسکہ ہے وہ قبلۂ آئینہ محو اختراع
رنجش حیرت سرشتاں سینہ صافی پیشکش
جوہر آئینہ ہے یاں گرد میدان نزاع
چار سوئے دہر میں بازار غفلت گرم ہے
عقل کے نقصاں سے اٹھتا ہے خیال انتفاع
آشنا غالبؔ نہیں ہیں درد دل کے آشنا
ورنہ کس کو میرے افسانے کی تاب استماع
Jaada-e-rah-e-khur ko waqt-e-shaam hai taar-e-shua'a
Jaada-e-rah-e-khur ko waqt-e-shaam hai taar-e-shua'a
Charkh va karta hai mah-e-nau se aaghosh-e-wida'a
Sham'a se hai bazm-e-angusht-e-tahayyur dar-dahan
Sho'la-e-awaz-e-khooban par ba-hangam-e-sama'a
Jun par-e-taus jauhar-e-takhta-e-mashq-e-rang hai
Bas-ke hai wo qibla-e-aaina-e-mahv-e-ikhtira'a
Ranjish-e-hairat-sarishtan seena-saafi peshkash
Jauhar-e-aaina hai yaan gard-e-maidan-e-niza'a
Chaar soo-e-dahar mein bazaar-e-ghaflat garm hai
Aql ke nuqsaan se uthta hai khayal-e-intifa'a
Aashna Ghalibؔ nahin hain dard-e-dil ke aashna
Warna kis ko mere afsaane ki taab-e-istima'a
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں