جب بہ تقریب سفر یار نے محمل باندھا — مرزا غالب
شاعر
جب بہ تقریب سفر یار نے محمل باندھا
جب بہ تقریب سفر یار نے محمل باندھا
تپش شوق نے ہر ذرہ پہ اک دل باندھا
اہل بینش نے بہ حیرت کدۂ شوخی ناز
جوہر آئنہ کو طوطی بسمل باندھا
یاس و امید نے یک عربدہ میداں مانگا
عجز ہمت نے طلسم دل سائل باندھا
نہ بندھے تشنگی ذوق کے مضموں غالبؔ
گرچہ دل کھول کے دریا کو بھی ساحل باندھا
اصطلاحات اسیران تغافل مت پوچھ
جو گرہ آپ نہ کھولی اسے مشکل باندھا
یار نے تشنگیٔ شوق کے مضموں چاہے
ہم نے دل کھول کے دریا کو بھی ساحل باندھا
تپش آئینہ پرواز تمنا لائی
نامۂ شوق بہ حال دل بسمل باندھا
دیدہ تا دل ہے یک آئینہ چراغاں کس نے
خلوت ناز پہ پیرایۂ محفل باندھا
ناامیدی نے بہ تقریب مضامین خمار
کوچۂ موج کو خمیازۂ ساحل باندھا
مطرب دل نے مرے تار نفس سے غالبؔ
ساز پر رشتہ پئے نغمۂ بیدلؔ باندھا
ناتوانی ہے تماشائی عمر رفتہ
رنگ نے آئینہ آنکھوں کے مقابل باندھا
نوک ہر خار سے تھا بسکہ سر دزدی زخم
چوں نمد ہم نے کف پا پہ اسد دل باندھا
Jab ba-taqreeb-e-safar yaar ne mahmal bandha
Jab ba-taqreeb-e-safar yaar ne mahmal bandha
Tapish-e-shauq ne har zarra pe ik dil bandha
Ahl-e-beenaish ne ba-hairat-kada-e-shokhi-e-naaz
Jauhar-e-aaina ko tooti-e-bismil bandha
Yaas-o-ummeed ne yak arbada maidan manga
Aj'z-e-himmat ne tilism-e-dil-e-sail bandha
Na bandhe tishnagi-e-zauq ke mazmoon Ghalibؔ
Garche dil khol ke darya ko bhi saahil bandha
Istilahat-e-aseeran-e-taghaful mat poochh
Jo girah aap na kholi use mushkil bandha
Yaar ne tishnagi-e-shauq ke mazmoon chahe
Ham ne dil khol ke darya ko bhi saahil bandha
Tapish-e-aaina-e-parwaz-e-tamanna layi
Naama-e-shauq ba-haal-e-dil-e-bismil bandha
Dida ta dil hai yak aaina charaghan kis ne
Khalwat-e-naaz pe pairaya-e-mahfil bandha
Na-ummeedi ne ba-taqreeb-e-mazameen-e-khumar
Kucha-e-mauj ko khamyaza-e-saahil bandha
Mutrib-e-dil ne mere taar-e-nafas se Ghalibؔ
Saaz par rishta pai-e-naghma-e-Bedilؔ bandha
Natavani hai tamashai-e-umr-e-rafta
Rang ne aaina aankhon ke muqabil bandha
Nok-e-har khaar se tha bas-ke sar-e-duzdi-e-zakhm
Chun namad ham ne kaf-e-pa pe Asadؔ dil bandha
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں