جور سے باز آئے پر باز آئیں کیا — مرزا غالب
شاعر
جور سے باز آئے پر باز آئیں کیا
جور سے باز آئے پر باز آئیں کیا
کہتے ہیں ہم تجھ کو منہ دکھلائیں کیا
رات دن گردش میں ہیں سات آسماں
ہو رہے گا کچھ نہ کچھ گھبرائیں کیا
لاگ ہو تو اس کو ہم سمجھیں لگاو
جب نہ ہو کچھ بھی تو دھوکا کھائیں کیا
ہو لیے کیوں نامہ بر کے ساتھ ساتھ
یا رب اپنے خط کو ہم پہنچایں کیا
موج خوں سر سے گزر ہی کیوں نہ جائے
آستان یار سے اٹھ جائیں کیا
عمر بھر دیکھا کیا مرنے کی راہ
مر گئے پر دیکھیے دکھلائیں کیا
پوچھتے ہیں وہ کہ غالبؔ کون ہے
کوئی بتلاؤ کہ ہم بتلائیں کیا
Jaur se baaz aaye par baaz aayen kya
Jaur se baaz aaye par baaz aayen kya
Kehte hain hum tujh ko munh dikhlayen kya
Raat din gardish mein hain saat aasman
Ho rahega kuch na kuch ghabrayen kya
Laag ho to us ko hum samjhein lagav
Jab na ho kuch bhi to dhoka khaayen kya
Ho liye kyun naama-bar ke saath saath
Ya Rab apne khat ko hum pahunchayen kya
Mauj-e-khoon sar se guzar hi kyun na jae
Aastan-e-yaar se uth jaayen kya
Umr bhar dekha kiya marne ki raah
Mar gaye par dekhiye dikhlayen kya
Poochhte hain wo ke Ghalibؔ kaun hai
Koi batlao ke hum batlayen kya
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں