جس زخم کی ہو سکتی ہو تدبیر رفو کی — مرزا غالب
شاعر
جس زخم کی ہو سکتی ہو تدبیر رفو کی
جس زخم کی ہو سکتی ہو تدبیر رفو کی
لکھ دیجیو یا رب اسے قسمت میں عدو کی
اچھا ہے سر انگشت حنائی کا تصور
دل میں نظر آتی تو ہے اک بوند لہو کی
کیوں ڈرتے ہو عشاق کی بے حوصلگی سے
یاں تو کوئی سنتا نہیں فریاد کسو کی
دشنے نے کبھی منہ نہ لگایا ہو جگر کو
خنجر نے کبھی بات نہ پوچھی ہو گلو کی
صد حیف وہ ناکام کہ اک عمر سے غالبؔ
حسرت میں رہے ایک بت عربدہ جو کی
گو زندگی زاہد بے چارہ عبث ہے
اتنا ہے کہ رہتی تو ہے تدبیر وضو کی
اب بے خبراں میرے لب زخم جگر پر
بخیہ جسے کہتے ہو شکایت ہے رفو کی
Jis zakhm ki ho sakti ho tadbeer-e-rafu ki
Jis zakhm ki ho sakti ho tadbeer-e-rafu ki
Likh diyo ya Rab use qismat mein adoo ki
Achha hai sar-e-angusht-e-hinayi ka tasavvur
Dil mein nazar aati to hai ik boond lahu ki
Kyun darte ho ushaaq ki be-hauslagi se
Yaan to koi sunta nahin faryaad kisu ki
Dashna ne kabhi munh na lagaya ho jigar ko
Khanjar ne kabhi baat na poochhi ho galu ki
Sad haif wo nakaam ke ik umr se Ghalibؔ
Hasrat mein rahe ek but-e-arbada-joo ki
Go zindagi-e-zaahid-e-bechara abas hai
Itna hai ke rehti to hai tadbeer-e-wazoo ki
Ab be-khabran mere lab-e-zakhm-e-jigar par
Bikhiya jise kehte ho shikayat hai rafu ki
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں