کارگاہ ہستی میں لالہ داغ ساماں ہے — مرزا غالب
شاعر
کارگاہ ہستی میں لالہ داغ ساماں ہے
کارگاہ ہستی میں لالہ داغ ساماں ہے
برق خرمن راحت خون گرم دہقاں ہے
غنچہ تا شگفتن ہا برگ عافیت معلوم
باوجود دل جمعی خواب گل پریشاں ہے
ہم سے رنج بیتابی کس طرح اٹھایا جائے
داغ پشت دست عجز شعلہ خس بہ دنداں ہے
عشق کے تغافل سے ہرزہ گرد ہے عالم
روئے شش جہت آفاق پشت چشم زنداں ہے
حیرت تپیدن ہا خوں بہائے دیدن ہا
رنگ گل کے پردے میں آئینہ پر افشاں ہے
وحشت انجمن ہے گل دیکھ لالے کا عالم
مثل دود مجمر کے داغ بال افشاں ہے
اے کرم نہ ہو غافل ورنہ ہے اسد بیدل
بے گھر صدف گویا پشت چشم نیساں ہے
Kargah-e-hasti mein lala-e-dagh-saman hai
Kargah-e-hasti mein lala-e-dagh-saman hai
Barq-e-kharman-e-raahat khoon-e-garm-e-dehqan hai
Ghuncha ta shagiftan-ha barg-e-aafiyat maloom
Bawajood-e-dil-jamee khwab-e-gul pareshan hai
Ham se ranj-e-betabi kis tarah uthaya jae
Dagh-e-pusht-e-dast-e-aj'z sho'la-e-khas ba-dandan hai
Ishq ke taghaful se harza-gard hai aalam
Ro-e-shash-jehat-e-afaq pusht-e-chashm-e-zindan hai
Hairat-e-tapidan-ha khoon-baha-e-deedan-ha
Rang-e-gul ke parde mein aaina par-afshan hai
Wahshat-e-anjuman hai gul dekh lale ka alam
Misl-e-dood-e-majmar ke dagh-e-baal-afshan hai
Ae karam na ho ghafil warna hai Asadؔ bedil
Be-ghar sadaf goya pusht-e-chashm-e-naisan hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں