کی وفا ہم سے تو غیر اس کو جفا کہتے ہیں — مرزا غالب
شاعر
کی وفا ہم سے تو غیر اس کو جفا کہتے ہیں
کی وفا ہم سے تو غیر اس کو جفا کہتے ہیں
ہوتی آئی ہے کہ اچھوں کو برا کہتے ہیں
آج ہم اپنی پریشانی خاطر ان سے
کہنے جاتے تو ہیں پر دیکھیے کیا کہتے ہیں
اگلے وقتوں کے ہیں یہ لوگ انہیں کچھ نہ کہو
جو مے و نغمہ کو اندوہ ربا کہتے ہیں
دل میں آ جاے ہے ہوتی ہے جو فرصت غش سے
اور پھر کون سے نالے کو رسا کہتے ہیں
ہے پرے سرحد ادراک سے اپنا مسجود
قبلے کو اہل نظر قبلہ نما کہتے ہیں
پائے افگار پہ جب سے تجھے رحم آیا ہے
خار رہ کو ترے ہم مہر گیا کہتے ہیں
اک شرر دل میں ہے اس سے کوئی گھبرائے گا کیا
آگ مطلوب ہے ہم کو جو ہوا کہتے ہیں
دیکھیے لاتی ہے اس شوخ کی نخوت کیا رنگ
اس کی ہر بات پہ ہم نام خدا کہتے ہیں
وحشتؔ و شیفتہؔ اب مرثیہ کہویں شاید
مر گیا غالبؔ آشفتہ نوا کہتے ہیں
Ki wafa hum se to ghair us ko jafa kehte hain
Ki wafa hum se to ghair us ko jafa kehte hain
Hoti aayi hai ke achhon ko bura kehte hain
Aaj hum apni pareshani-e-khatir un se
Kehne jate to hain par dekhiye kya kehte hain
Agle waqton ke hain yeh log inhen kuch na kaho
Jo mai-o-naghma ko andoh-ruba kehte hain
Dil mein aa jae hai hoti hai jo fursat ghish se
Aur phir kaun se nale ko rasa kehte hain
Hai pare sarhad-e-idrak se apna masjood
Qible ko ahl-e-nazar qibla-numa kehte hain
Pae-e-afgar pe jab se tujhe rehm aaya hai
Khaar-e-rah ko tere hum mehr gaya kehte hain
Ik sharar dil mein hai us se koi ghabraega kya
Aag matloob hai hum ko jo hava kehte hain
Dekhiye laati hai us shokh ki nakhwat kya rang
Us ki har baat pe hum naam-e-Khuda kehte hain
Wahshatؔ-o-Shaiftaؔ ab marsiya kahwin shayad
Mar gaya Ghalibؔ aashufta-nawa kehte hain
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں