لب خشک در تشنگی مردگاں کا — مرزا غالب
شاعر
لب خشک در تشنگی مردگاں کا
لب خشک در تشنگی مردگاں کا
زیارت کدہ ہوں دل آزردگاں کا
ہمہ ناامیدی ہمہ بد گمانی
میں دل ہوں فریب وفا خوردگاں کا
شگفتن کمیں گاۂ تقریب جوئی
تصور ہوں بے موجب آزردگاں کا
غریب ستم دیدۂ باز گشتن
سخن ہوں سخن بر لب آوردگاں کا
سراپا یک آئینہ دار شکستن
ارادہ ہوں یک عالم افسردگاں کا
بہ صورت تکلف بہ معنی تأسف
اسدؔ میں تبسم ہوں پژمردگاں کا
Lab-e-khushk dar tashnagi-e-murdagaan ka
Lab-e-khushk dar tashnagi-e-murdagaan ka
Ziyarat-kada hoon dil-aazurdagaan ka
Hama na-ummeedi hama bad-gumani
Main dil hoon fareb-e-wafa-khurdagaan ka
Shaguftan kameen-gah-e-taqreeb-e-juyi
Tasavvur hoon be-maujab-e-aazurdagaan ka
Ghareeb-e-sitam-dida baaz gashtan
Sukhan hoon sukhan bar lab-aawurdagaan ka
Sarapa yak aaina-daar-e-shikastan
Iraada hoon yak alam-e-afsurdagaan ka
Ba-soorat takalluf ba-maani taasuf
Asad main tabassum hoon pazhmurdagaan ka
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں