مت مردمک دیدہ میں سمجھو یہ نگاہیں — مرزا غالب
شاعر
مت مردمک دیدہ میں سمجھو یہ نگاہیں
مت مردمک دیدہ میں سمجھو یہ نگاہیں
ہیں جمع سویداۓ دل چشم میں آہیں
کس دل پہ ہے عزم صف مژگان خود آرا
آئینے کے پایاب سے اتری ہیں سپاہیں
دیر و حرم آئینۂ تکرار تمنا
واماندگی شوق تراشے ہے پناہیں
جوں مردمک چشم سے ہوں جمع نگاہیں
خوابیدہ بہ حیرت کدۂ داغ ہیں آہیں
پھر حلقۂ کاکل میں پڑیں دید کی راہیں
جوں دود فراہم ہوئیں روزن میں نگاہیں
پایا سر ہر ذرہ جگر گوشۂ وحشت
ہیں داغ سے معمور شقائق کی کلاہیں
یہ مطلع اسدؔ جوہر افسون سخن ہو
گر عرض تپاک جگر سوختہ چاہیں
حیرت کش یک جلوۂ معنی ہیں نگاہیں
کھینچوں ہوں سویداۓ دل چشم سے آہیں
Mat mardamak-e-dida mein samjho yeh nigahein
Mat mardamak-e-dida mein samjho yeh nigahein
Hain jam-e-sawida-e-dil chashm mein aahein
Kis dil pe hai azm-e-saf-e-mizhgaan-e-khud-aara
Aaine ke payab se utri hain sipahein
Deir-o-haram aaina-e-takrar-e-tamanna
Waamandagi-e-shauq taraashe hai panahein
Joon mardamak-e-chashm se hon jam-e-nigahein
Khwabida ba-hairat-kada-e-daagh hain aahein
Phir halqa-e-kaakul mein padeen deed ki raahein
Joon dood faraham hueen rozan mein nigahein
Paaya sar-e-har zarra jigar gosha-e-wahshat
Hain daagh se mamoor shaqaiq ki kulahein
Yeh matla Asad jauhar-e-afsoon-e-sukhan ho
Gar arz-e-tapaak-e-jigar-e-sookhta chaahein
Hairat-kash-e-yak jalwa-e-maani hain nigahein
Khenchoon hoon sawida-e-dil chashm se aahein
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں