مزے جہان کے اپنی نظر میں خاک نہیں — مرزا غالب
شاعر
مزے جہان کے اپنی نظر میں خاک نہیں
مزے جہان کے اپنی نظر میں خاک نہیں
سواے خون جگر سو جگر میں خاک نہیں
مگر غبار ہوے پر ہوا اڑا لے جاے
وگرنہ تاب و تواں بال و پر میں خاک نہیں
یہ کس بہشت شمائل کی آمد آمد ہے
کہ غیر جلوۂ گل رہ گزر میں خاک نہیں
بھلا اسے نہ سہی کچھ مجھی کو رحم آتا
اثر مرے نفس بے اثر میں خاک نہیں
خیال جلوۂ گل سے خراب ہیں میکش
شراب خانہ کے دیوار و در میں خاک نہیں
ہوا ہوں عشق کی غارتگری سے شرمندہ
سواے حسرت تعمیر گھر میں خاک نہیں
ہمارے شعر ہیں اب صرف دل لگی کے اسدؔ
کھلا کہ فائدہ عرض ہنر میں خاک نہیں
Mazey jahan ke apni nazar mein khak nahin
Mazey jahan ke apni nazar mein khak nahin
Siwaye khoon-e-jigar sau jigar mein khak nahin
Magar ghubaar hue par hawa uda le jaaye
Wagarna taab-o-tawaan baal-o-par mein khak nahin
Yeh kis bahisht-e-shamail ki aamad aamad hai
Ke ghair jalwa-e-gul rehguzar mein khak nahin
Bhala usay na sahi kuch mujhi ko rehm aata
Asar mere nafas-e-be-asar mein khak nahin
Khayaal-e-jalwa-e-gul se kharab hain maikash
Sharab-khana ke deewar-o-dar mein khak nahin
Hua hoon ishq ki gharatgari se sharminda
Siwaye hasrat-e-taameer ghar mein khak nahin
Hamare sher hain ab sirf dil-lagi ke Asad
Khula ke faida arz-e-hunar mein khak nahin
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں